Islamist helten khaw tam tak an beihnaah mi 34 thi

Islamist hel ni ngeia hriatten Nigeria hmarthlang lama khaw eng emaw zat an beihnaah mi 34 vel an thi niin thuneituten an sawi.
Silai nen helho hian Kebbi state-a ramri khaw kilkhawr tak takte hi Thawhlehni khan an bei a, khawtlang vengtu tura awmte an tam hneh em avangin khuaa lo awmte chu an tlanchhe nasa hle a ni.
Dam chhuakte chuan an khaw beihna hi ruahmanna fel taka tih a ni tih sawiin dimdawihna tel miah lova silai hmet puakin khua an suartluan tih an sawi.
Thuneitute chuan hel pawl thar, Lakurawa tihah an puh a, heng mite hi heng lai velah hian an che nasa hle a. An pawl hi US-in December thlaa hmar lam deuh, Sokoto state-a an kahte kha an ni.
Venhim hna thawktute mi chengte veng tur leh dam chhuakte an pui turin an thleng tawh a. Helho bik bona pawh an chhui zui mek bawk.
Thuneitute chuan he beihna thleng hi engmah an la saiw lo va, social media-ah erawh phum tura ruang tuam vek thlalak a darh nasa hle thung.
He thil thleng hi Nigerian-te chuan online-ah an sawi nasa hle a, sorkar chu tharum thawhna thleng titawp tur leh ram chhung hmun tinah a thleng chamchi reng tawh niin an sawi.
Nigerian thuneitute hian nikum khan Lakurawa hi firfiak pawlah puangin an mite hian miin rimawi an ngaihthlak pawh an phalsak loh avangin ram pumah awm an phalsak lo.
Thuneitute chuan Lakurawa hi Mali leh Niger-a jihadist pawla inziak lut niin an sawi a. Nigeria-Niger ramria ram neih tumin kum tam tak an hel tawh a, tual chhung hmeichhiate neiin naupang tak takte pawh an pawla tel turin an la thin tih an sawi.
An pawl hian Kebbi-ah hian tuna mi anga khaw eng emaw zat beih hi an lo ti tawh a, khaw vengtute an tam hneh thin avangin an lo dang thei thin lo.
Lakurawa an hlauhawm thar hi Nigeria-a himna derthawng sa tak tan thil duhawm lo tak a ni a. Sorkar hian hel pawlchi hrang hrang a do sa a, hmarchhakah Boko Haram Islamists-ten mi ruk bo an ching a, hmarthlang leh ram laili leh chhimchhakah inlak hran tum pawl an che na em em reng bawk.