GST thawhpui training nei zo

National Academy of Customs Indirect Taxes and Narcotics (NACIN) Shillong leh CGST Commissionerate Aizawl tangdunin kar hnih chhung awh “Certificate Course on GST Sahyogis (Thawhpui)” an huaihawt chu February 20 khan khar a ni a, training-ah hian Central GST officer-te leh tualchhung association – Mizoram Chamber of Commerce, Mizoram Merchant Association (MIMA) leh Mizoram Road & Building Contractors Association hruaitute an tel.
Kharna pual inkhawm hmanpuitu NACIN Shillong addl. director Isaac R Kharkongor, IRS chuan, training chhuakte chu GST registration nei (taxpayer) te GST chungchangah thurawn pea tha taka kaihruai thei ngei turin a fuih. CGST Aizawl joint commissioner Malsawmtluanga pawhin Mizoramah GST compliance (dan zawmthat), GST return file, tax pek leh registration thar lak chungchangah tan lak thar a ngai, tiin, hun lokal zel turah mi tangkai an nih a beisei tih a sawi a ni.
Training faculty zingah hian CGST Aizawl officers bakah Guwahati, Kolkata, Dimapur, Shillong leh Chennai atanga lokal te an tel a, mi 27 training chhuakte hi certificate hlan an ni. GST return file lamah leh GST danin a phut thil hrang hrangah rawn theih an ni ang.