2026 Actors Awards-ah ‘Sinners’ a langsar

2026 Actors Awards-ah ‘Sinners’ a langsar
32ns Actor Awards, tunhmaa Screen Actors Guild Awards an tih thin kha an rama Pathianni zan, keini tana Thawhtanni tuk kan Shrine Auditorium and Expo Hall, Los Angeles-a an sem ta a, ‘Sinners’ a langsar bera Ensemble Cast Award a dawn bakah he film changtu Michael B Jordan chuan male actor in a leading role a dawng bawk.
Award hrang hrang sem tawhah Sinners hi a chetha viau zel a, chuvangin Oscar-ah pawh chetha tura rinkai ber a ni tawh a, Micael B Jordan pawh hi Oscar dawng tura rinkai a ni tawh bawk. Tun kum 10 chhung hian Actor Award-a ensemble cast award dawngtu ten tum nga chu Oscar-ah best picture an dawng a, nikum khan Actor Awards-a supporting actor winner pahnih ten Oscar an dawng zui bawk.
Frankenstein leh Marty Supreme ten nomination pathum ve ve an nei nain, award an dawng lo ve ve a, TV lamah The White Lotus-in nomination pali a neihah award hum haw tur a dawng miah lo bawk.
TV lamah Catherine O’Hara-i’n female actor in a comedy series a dawng a, ani hi kumin January ni 30 khan kum 71 mi niin a thi a, a thih hnuah award a dawng ta a ni. Kaltate sunna hunah Daryl Hall hla ‘Everytime You Go Away’ soundtrack an play a, an sun zingah hian lemchan khawvela mi lar tak tak an tel nual. Gene Hackman, Diane Keaton, Robert Redford leh Rob Reiner te pawh an tel.
Kumin Actor Award-ah hian Harrison Ford chu SAG-AFTRA Life Achievement Award lan a ni.