Harry Styles “American Girls” a lar ber

Harry Styles “American Girls” a lar ber
Harry Styles hla thar “American Girls” chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a a hla No.1 kai thei pathumna a ni. He hla hi a album thar ‘Kiss All the Time. Disco, Occasionally’ atanga a single niin, he album atanga a hla dang ‘Aperture’ chu he chart-ah hian No.1 a lo kai tawh a, a hla dang ‘As It Was’ chu 2022 khan chart-ah hian kar 15 chhung a lo No.1 tawh bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
‘American Girls’ hian kar khat chhungin stream maktaduai 50.9 leh sales 3,000 a nei thei a, hei hi chart No.1-ah a debut pui ta a ni. Chart No.1-a debut tih chuan chart ranking-a a lan theihna hmasa bera chart No.1 ni nghal tihna a ni.
PinkPantheress leh Zara Larsson ‘Stateside’ chu No.2-ah bawk la awmin, Bruno Mars ‘Risk It All’ chu No.1 atangin No.3-ah a tawlh a, Olivia Dean “Man I Need” chu No.4-ah bawk la awmin, chart No.1 hlui Bad Bunny ‘DtMF’ chu No.3 atangin No.5-ah a tawlh ta bawk.
Billboard Global 200
Top 10:
1 American Girls – Harry Styles
2 Stateside – PinkPantheress With Zara Larsson
3 Risk It All – Bruno Mars
4 Man I Need – Olivia Dean
5 DTMF – Bad Bunny
6 The Fate Of Ophelia – Taylor Swift
7 Ordinary – Alex Warren
8 Golden – HUNTR/X: EJAE, Audrey Nuna & REI AMI
9 So Easy (To Fall In Love) – Olivia Dean
10 I Just Might – Bruno Mars