Monitoring committee-in project 72 endik tawh

Monitoring committee-in project 72 endik tawh
Mizoram State Project Monitoring Committee chuan April, 2025 – March,2026 chhungin Project hrang hrang 72 an endik tawh a, vawi 82 inspection an nei bawk.
Mizoram State Project Monitoring Committee chuan project 16, tun hnaia an endikte report tawi an thlir ho a, rel ngai leh bawhzui ngai pawimawh hrang hrangte sawi hona hun an hmang a. Review meeting hi session hnihah thenin, 1st session-ah project 3 leh 2nd session-ah project 3 an lo endik tawhte a hmalakna tur chhawp chhuahte bawhzui a nih dan thlir letna hun hman a ni.
Heng project parukte hi —(1) Mizoram State Super Specialty Cancer & Research Centre, Zemabawk. (2) Aizawl City Centre, New Market
(3) Multipurpose Ground, High School Field (4) Improvement of Ramrikawn to NH-54 via Sakawrtuichhun (5) Agriculture Growth Centre, Tuikual South (6) Mega Egg Production Farm, Thenzawla din tur.
Heng hmasawnna hnathawh kal meka Nodal Department, Executing Department leh Contractor-te a mahni hun zelah meeting-ah hian kovin, hnathawh kal mek leh MSPMC-in rawtna a lo siam tawhte bawhzui a nih dan report an pe a. MSPMC chuan heng hmasawnna hnathawh kal mek te chak zawka kalpui dan tur leh a rang lama mipui chhawr theih tura a puitlin ngei theihna tura tul hrang hrangte an sawipui a ni.