Iran atangin sangha mantu 354 phur haw

Himna lama harsatna nasa tak karah Iran atangin Indian sangha mantu 345-te chu Inrinni tlai khan Chennai tumhmunah thlenpui an ni a, Armenia kaltlanga hruai haw an ni.
Armenia atangin thlawhtheihna hmanga phurh haw niin a tam zawk hi Tamil Nadu-a mite an ni.
Iran-ah hian Indian sangha mantu 1,000 chuang — a tam zawk Tamil Nadu-a mi an tangkhang nia ngaih a ni a. Tuna mite hi chhim lam atanga hmar lam, Armenia ramria phurh luh hmasak an ni a, heta tang hian Armenia an panna turin Tehran leh Yerevan-a Indian Mission-in a ngaihtuahsak zui a ni.
External Affairs Minister S Jaishankar chuan sangha mantute hruai haw kawnga awlsam zawka an tih theih nana puitu, Armenian Foreign Minister Ararat Mirzoyan chungah lawmthu a sawi a. “Foreign Minister Ararat Mirzoyan leh Armenian sorkar chungah lawmthu kan sawi a, vawiinah hian Iran atanga India sangha mantute, Armenia kaltlangin India ramah hruai a awlsam phah a ni,” tiin X-ah a tar lang a ni.