Tui mamawh aia tam pump thei

Aizawl mipuite hman tur tui lak hna hi phase thum a awm a, chuta pump theih zat chu mamawh zat aiin a tam. Aizawlin tui a hnianghnar em tih lam chu thuhran ni se, pump theih zat chu a tam tham rih.
Tui lak hna pathuma ni khata tui pump theih zat hi ni khatah litre 7,18,00,000 a ni a, hei hi ni khata mamawh zat aiin a tam a ni.
Hnianghnar taka Aizawl mipuite tui pe tura mamawh zat chu ni khatah litre 6,64,50,000 a ni a, ni khata tui pump theih zat hi mamawh zat aiin litre 53,50,000-in a tam.
Greater Aizawl Water Supply Scheme (GAWSS) phase pathum a awm a, Phase I-ah ni khata tui pump theih zat chu litre 108,00,000 niin, Phase II-ah ni khatah litre 2,40,00,000 a pump theih a, Phase III-ah ni khatah litre 3,70,00,000 a pump theih. Chumi belhkhawm chu litre 7,18,00,000 a ni.
Budget Session liam taah khan tun hnai kum thum chhunga Aizawl khawpui tui pek nana sum sen zat hi an sawi a, 2022-23 chhungin Rs 2,00,39,41,628 sen a nih thu leh, 2023-24 chhungin Rs 1,14,89,22,833 leh 2024-25 chhungin Rs 1,21,70,20,802 te sen a nih thu an sawi.
Kumin February thleng khan Aizawl khawpuiah tui connection nei mi 87728 an awm.
Tui pump theih zat
GAWSS Phase I-ah ni khatah litre 108,00,000.00
GAWSS Phase II-ah ni khatah litre 2,40,00,000.00
GAWSS Phase III-ah ni khatah litre 3,70,00,000.00
Hnianghnar taka tui pe tura mamawh zat chu ni khatah litre 6,64,50,000.00