BENGAL INTHLAN: Cong-in star campaigner 40 puang

BENGAL INTHLAN: Cong-in star campaigner 40 puang
Congress chuan West Bengal assembly inthlan thawh khatna neih turah star campaigner 40 an puanga a, party President Mallikarjun Kharge-a leh ram puma an hruaitu lawk dang eng emaw zat an tel.
An zingah hian Sonia Gandhi, Rahul Gandhi, Priyanka Gandhi Vadra leh Himachal Pradesh Chief Minister Sukhvinder Singh Sukhu te pawh an tel.
Congress hruaitu pakhat chuan, “Inthlanpuiah party hruaitu lawktetelin chuhtu lian tak a ni tih lan nan campaigner team chak tak kan din a ni,” a ti.
“Tun tumah Bengal assembly inthlanpuiah hian keimahni chauhin kan chuh dawn a, kan hruaitu hlun zawng zawngte hi nasa takin campaign dawn a, kan tum chu a thawh khatnaa tel bial hrang hranga vote neite hnen thlen a ni,” a ti.
Member 294 awmna West Bengal assembly-a inthlan hi thawh hnih – April 23 leh April 29-ah neih a ni ang a, May 4-ah vote chhiar a ni ang.
Central hruaitute bakah West Bengal Congress hruaitu atangin Deepa Dasmunsi, Pradip Bhattacharya, state unit hotu Subhankar Sarkar, MP Isha Khan Choudhury leh senior leader Adhir Ranjan Chowdhury te an tel a ni.
State pawn atanga K C Venugopal, Ghulam Ahmad Mir, Randeep Singh Surjewala, Ashok Gehlot, Salman Khurshid, Shashi Tharoor, Gaurav Gogoi, K L Sharma, Sudeep Roy Barman, Kanhaiya Kumar leh Mohammad Azharuddin te an tel bawk.