Union MoS-in Saitual tlawh

Union MoS-in Saitual tlawh
Union minister of state for Jal Shakti Dr Raj Bushan Choudhary chuan Nilaini khan Saitual district a tlawh a, sawrkar department hotute leh khawtlang hruaitute kawmin, Sihfaa khuaa Jal Jeevan Mission (JJM) scheme hnuaia water reservoir sak leh District Hospital a tlawh.
Union MoS hian Saitual district-a sawrkar department hotute leh khawtlang hruaitute a kawmnaah an mamawh leh harsatna tawh an lo thlen a. An district-in kawng hrang hranga hma a sawn theihna atan puih a inhuam tih hrilhin, theihtawp a chhuah tur thu a sawi.
Bawrhsap Srinivas Sadi chuan an district-a department hrang hrang hnathawh chu powerpoint hmangin a sawizau a ni.
Sihfa khuaa JJM hnuaia reservoir sak a tlawhnaah PHE department ten an lo dawngsawng a. District Hospital a tlawhnaah deputy CMO hoin an lo dawngsawng a ni.