MBBA puipate leh MSL club hruaitute inkawm boruak leh a chhehvel

Mizoram Super League 11 a zo a, season 12-na tan hmain MBBA leh MSL club hruaitute boruak muanawm tak hnuaiah an indawr a, awmze nei zawk leh senso hautak lutuk lo turin kalkhawmte hian thu an dah.
April ni 16, 2026 zana Hotel Regency Confetence Hall-a an inkawmkhawmna atang hian season 11 zet hlawkna awm lovin, hloh chungin club leh association hian MSL hi an kalpui tawh a, harsatna chinfel theih tam tak karah senso a ziaawm theihna turin paih ngaite paih a nih theihna turin he inrawnkhawmnaah hian rorelna sang zawka ngaihtuah turin thu dah a ni.
Season 12 ah chuan…
Hnam dang players lakluh chungchangah tualchhung player-te’n inkhelhna hun tha an chang tlem tial tial a, club-te’n champion chawi an tum luatah foreign player-te aia inter state player-te man uchuak taka to ta te hi chinfel theih a ni – hei hi rorelna sang zawk MSL Board lam ngaihtuah turin indawrna a la kal zel ang.
Club lam senso tihziaawm theihna’n inkhel enna man ticket atanga hamthatna an dawn theih dan tur te, inelna chhuahtu Zonet Cable TV Pvt. Ltd.-te nena TV rights (pay per view) ang zawnga inher rem a nih theih dan tur te, promotional leh production lama khamkhawp lohna nasa tak sutkian te, prize money beitham lutuk tihziaawm te, match official-te hmasawnna lawmawm tak kara tun aia nasaa an dinhmun zirchian tulziate sawi chhuah a ni.
He’ngte hi bawhzui a nih theihna’n a tul anga umzui theih dan tur he inrawnkhawmnaah hian sawilan a ni. MSL semi finals chin atanga hnam dang match official pahnih chah chhuah theih dan turte thlengin sawihonaah hian chhawpchhuah a ni.
Inrawnkhawmnaa telte
MSL club hruaitu lamah hian Khatla TBL, Chanmari BC, Vanguard BC, Saron BC, Chaltlang BC leh Mission Veng Hotshots atangtein an aiawh mi pakhat theuh an kal a, Zemabawk BC leh Zarawt BCA aiawh pahnih ve ve an tel bawk.
MBBA lam atangin OB pathum – Dr. Lalrinawma Hnamte (Sr. Vice President), Zomuanpuia (General Secretary) leh F. Lalhriatpuia (Treasurer)-te an inlan.
Sawihona chhehvel
He inrawnkhawmna hian club harsatna a sutkian loh a, dan pangai anga kal a nih leh mawlh hi club lam hlauh a ni.
Club lamin hriat fuh tawk loh an neihte hrilfiah an ni a, MBBA lamin an lo chhut fel tawk lohte pawh club lam hian tarlan an nei.
MSL erawh a tournament buatsaihtu MBBA-in thuneihna pumhlum a lo nei lo a, sum seng tam club-in tih theih a lo neih tlemziate erawh a lang fiah fu.
He’ng kara MSL Board-in thuneihna sang tak a neih leh Zonet lamte hriatpuina leh phalna tel lovin eng teh vak mah a lo tih theih lohziate hi chinfel a ngai hle.
Hello, LPS Vision tih nge, bul tanna Mizoram basketball tana neia penchhuak ngam Zonet-ah bawk tihte hi buk a ngai!
Anni pahnih piah lamah hian inkhel chhawpchhuak thei duhthlan tur hi an tamzia a lang.
MSL 12 hi a chian dan a fiah tawk rih lo!