Khaw lum hunah khua lum tan

April thla chawhnu lam a ni a, khua a lum tan. Zoramah April hi khaw lum hun a ni a, a lum tak tak hun chu la ni lo mah se khaw lum tan hun chu a ni tawh.
Chutih rual chuan ‘environment’ chhe telh telhin sik leh sa a nghawng a, Mizoramah pawh thlasik a tlai telh telh tih ngaihdan a awm. March thla a lum lo telh telh tiin a sawi theih a, chuti a nih chuan April pawh a lum lo telh telh ve thei tho mai.
State Meteorological Centre-a an chhinchhiahna enin, kumin April-ah a lum ber laiin 30°C a ni a, 30°C hi a la pel lo. 30°C vel ni tura beisei a nih thu an sawi a, thla tawp lamah khua a lum zual thei tih an sawi bawk.
Tun thlaah ruah a tam lo a, a tam loh zel chuan thla tawp lamah khua a lum telh telh thei tih an sawi. Thla kal mekah cyclone a la awm lo a, ruah tui pai thlipui a la awm lo. Mahse ruah hi tlem chu a tla ve leh phuar phuar thin a, hei hian khaw lum tur a tidai zawk. Tun anga ruah a tam lo zel a nih chuan thla tawp lamah tun aiin a lum thei tiin an sawi a ni.
March thlaah khan ruah tui mm 223.9 a sur a, khua pawh a lum lo reng a ni. April-ah ni 22 thleng khan mm 75 a sur tawh a, a intam hleih hle.
April leh May hi Mizoram lum hun a ni a, a lum hun vanglai la thleng lo mah se kum hmasa lama khaw lum ber ni leh kumin April ni 23 thlenga khaw lum ber ni a inthlau lo.
2022-ah khaw lum ber tumin 32°C (April ni 28) a ni a, 2023-ah 32°C (May ni 9), 2024-ah 33 (May ni 24), 2025-ah 31°C (April ni 2) a ni. Kuminah April ni 23 thlenga enin, 30°C a awm ngun tawh.