Olivia Dean ‘Man I Need’-in Spotify-ah 1B stream kai

Olivia Dean chuan music streaming platform lian Spotify-ah vawi tluklehdingawn stream kai thei hla a nei ve ta. He British pop star hian he mellung hi a hla hit ‘Man I Need’ hmangin a rawn ka ve ta a ni.
Olivia Dean tan kumin hi kum tha a la ni rih a, kuminah thil lawmawm tak tak a tawng chho deuh malh malh a, 2026 Grammy-ah khan best new artist a dawng a, 2026 BRIT Awards-ah pawh award pali dawngin, chung zingah chuan album of the year a tel a, hei bakah hian a lungthu kim nan 2026 MOBO Award a dawng leh bawk.
Dean hi kum khat chhunga hmeichhe artist zinga Spotify-a khawvel huapa stream lama thang chak ber pawl a ni a, a signature song pawh Spotify Best New Artist party Grammy Week-a an neihah a perform nghe nghe a ni.
UK-ah pawh Dean hian record siamin, UK Official Chart history-ah hmeichhe solo artist zinga chart top 10-a tum khata hla pali nei thei hmasa ber a ni a, he record hi nikum October-a a siam kha niin, a hla ‘Man I Need’ bakah “So Easy (To Fall in Love)”, “Nice To Each Other,” leh Sam Fender nena an zaidunna “Rein Me In” te chu tum khata chart top 10-ah a lanpui thei a ni.
Dean hi Billboard’s 2025 Greatest Pop Stars series-ah pawh Rookie of the Year-ah thlan a lo ni tawh a, May ni 21-a 71st Ivor Novello Awards an sem turah pawh nomination pahnih- best album leh The PRS for Music-ah a lang bawk.
‘Man I Need’ hi Spotify Billions Club playlist-ah number 1,255-na a ni ta a ni.