Bus kg 9800 a rit hnukin record siam

Chak hmingtang, Egmond Molina, kum 49, chuan a nghawng-ah hrui thlungin bus pound 21,737 (kg 9,860) a rit chu meter 20 a thui hnuk tawlhin Guinness World Record a siam. A hmaa nghawng hmanga lirthei hnuk tawlh rit ber record chu Dmytro Hrunskyi (Ukraine) in 2024-a a siam niin, pound 17,769.26 (kg 8,060) a rit a ni.
Egmond hian record a lo siam nual tawh a, tun tuma a record siam hi a fate pali- Nigel, Egmond Junior, Benjamin leh Adelinda te puala a siam niin a sawi a, “Ka tum ber chu ka fate leh kan ram (Aruba) thalai ten an rawn chhuan tur eng emaw tal hnutchhiah ka duh a ni,” a ti.
Aruba hi thliarkar lian lo tak niin, mi 1,10,000 vel chauh chenna ram a ni. Egmond chuan, “Khawvel ram te tak tê atang pawhin thil ropui a lo chhuak thei tih pholan ka duh a ni. Ka record siam te i kan ram mipui leh ka chhungte tan ka hlan a ni,” a ti bawk.