Chawhkar khata a vawi hnih nan tuialhthei man tisang leh

India-a sorkar hnuaia hralh chhuaktute chuan Thawhlehni khan petrol leh diesel man chu litre khatah cheng khat tling lo deuhvin an tisang leh a, Iran indona avanga thlitfim loh man sang vanga an hloh thenkhat hmuh let lehna tura chawlhkar khat chhunga an tihsan vawi hnihna a ni.
Rs. 0.90 vela litre khat man a san hnuah New Delhi-ah petrol litre khat Rs. 98.64 a ni a, diesel litre khat Rs. 91.58 a ni dawn bawk tih dealer-te chuan an sawi a. State bilin chhiah an lak dan a inan loh avangin ram pumah man a inang vek lo.
India-ah hian petrol leh diesel man hi khuahkhirh loh ni mah se sorkar chuan retail company pawimawh tak takte neitu nihna eng emaw zat a neih avangin a manah nghawng lian tak a nei a ni.
Oil ministry-a Joint Secretary Sujata Sharma chuan Thawhtanni khan sorkar hnuaia retailer-ten ni tin Rs. vaibelchhe 7.5 an hloh thin tih a sawi a. Sorkar chuan sum leh paia tanpuina pek tumna a nei lo tih a sawi bawk.
Thlitfimnaa thuneitute chuan an hloh tawhte rulh lehna tur hian man tihsan a ngai tih an sawi ve bawk.
India hi khawvela ram dang atanga tuialhthei la lut tam ber leh hmang tam pathumna a ni a, US-Israel tang dunin Iran laka indona an kalpuiin khawvel puma a man a tihsan hnuah ram lian zinga tuialhthei man tisang thar ber zinga mi a ni.
Sorkar hnuaia mi, Indian Oil Corp, Hindustan Petroleum leh Bharat Petroleum te chuan fuel station 1,03,000 awm zinga 90% aia tam an thunun a, a rualin a man hi an thin.
Sorkar hnuaia pe chhuaktute hian Zirtawpni khan petrol leh diesel man hi litre khatah Rs. 3-in an lo tisang tawh a, hei hi kum li chhunga ram chhunga a man tihsan leh hmasak ber a ni.
Dealer leh mi thiamte chuan COVID len lai, April, 2022 ang khan thil man a san chhoh zel an rin thu an sawi.
Eptu party-te chuan Prime Minister Narendra Modi-a kaihhruai sorkar chuan tun hnaia state inthlanpui neihah vote lak tumin thil man tihsan hun hi an sawn hla niin an sawi a. Modi-a kaihhruai BJP chuan state pali zinga pahnihah hnehna changin politic-a an thuneihna huang an zauh.
Modi-a chuan mipuite chu tuialhthei renchema rangkachak lei tlem turin a lo chah tawh a, tul lova zin veivah pawh titlem turin a ngen bawk.