Chaltlang BC: Chhum zinna tlang a\angin MSL awp thei tak maw?

The Aizawl Post Hoops Mania chuan season hmasaa D League champion, Chaltlang BC lam hawiin tun tum chu anni club hi thlirbingna a nei a, anni hi inrelbawlna (management board) changtlung tak nei an ni.
Hun hmasa lamah Chaltlang hian MSL club Chaltlang Ryders te an lo nei tawh a, basketball uar hmasa an ni. An club thahrui pa wimawh laimu pakhat kherchhuak dawn ila, management board an neih hi a ni – basketball tui satliah ni lo, tualchhung basketball chevel hmu thiam rual an awm.
Star player an team din danah hian an khawm lo tih a lang a; amaherawhchu, team thahrui chhungril thlirin MBBA Favang Basketball tournament leh MBBA Cup champion nghal pawp aiin he intihsiakna pahnih hmang hian MSL an thlirlawk dawnin a lang.
Chaltlang BC tan hian hming langsar fal pakhat a awm a, an head coach Lana daih hi a ni. Ani hian star player rual huikhawmin Chanmari BC beisei angin MSL 11 ah a chet thatpui lo va, a tan hian chona a chhah ang – pressure sang hnuaia awm thang a ni thung a, Chaltlang BC hi D League lamah te pawh a lo hrual zal tawh hnu an nih avangin team a hrechiang a, a thlenpui chin hi chik taka thlir rawn tur head coach tha kan neih zinga mi a ni.

Team squad

1. B. Lalrindika – Champhai
2. C. Lalrinpuia – Republic
3. Chawnglianzela – Thenzawl
4. Dennis Vanlalchhuanga – Kanan
5. Jacob Lalhmingsanga – Mission Veng
6. John Lalpekhlua – Electric Veng
7. Joseph Malsawmzauva – Lunglei
8. Lalchhanchhuaha – Tuikual South
9. Lalrosanga – Chaltlang
10. Lalruatsanga Hmar – Chaltlang
11. Malsawmdawngliana Sailo – Champhai
12. R. Lalrinchhana – Mission Veng
13. Samson Lalawmpuia – Tuikual South
14. Solomon Vanlalmawia – Kulikawn
15. VL Chungnunglura – Kulikawn
16. Zairemtluanga – Chaltlang

Coaching Staff:

Coach – Vanlalnunsang (Lana)
Manager – Lalbiaksanga (Bsa)
Asst. Manager – Lalrinfela