Diljit Dosanjh-a’n history siamin Wembley Stadium-ah show nei dawn

Punjabi artist Diljit Dosanjh huhang a lian telh telh a, September ni 12 hian London-a Wembley Stadium-ah show a nei dawn a, European concert a neih tawha lian ber tur a nih bakah Indian artist leh Punjabi artist zinga he stadium-a show headline thei hmasa ber a ni dawn ta. Wembley Stadium hi mipui 90,000 lenna, khawvela stadium lian leh hmingthang a ni.
Punjabi star hian May ni 31-a Toronto-a show a neihah Wembley Stadium-a show a neih tur hi puangin, he stadium lian leh ropuia mahni pual show nei thei a nihna hian a boruak len zia a tarlang chiang ta hle a ni. Sap khawpuiah hian a vawi khat perform-na tur a ni tawh bik lo a, October 2024 khan O2 Arena-ah ama pualin show te pawh a lo nei tawh bawk a ni.
Dosanjh hian Aura World Tour a nei mek a, April thla khan a North American leg pawh Vancouver-ah a kick off taw a, tunah hian arena hrang hrangah show nei zelin, New York-a Madison Square Garden-ah pawh show vawi hnih a nei dawn a, a North American leg hi June ni 20 leh 21-a San Francisco-a Chase Center-ah show zan hnih neiin a khar dawn a ni.