Curacao-in record an siam

Guinness World Records chuan Curacao ram chu FIFA World Cup khel thei zinga a ram micheng tam dan atanga teha ram tê berah a puang a, he thliarkar ram lian lo taka hian mi 1,56,115 an awm a, chuti chung chuan khawvela football stage ropui berah hian an inhlangkai thei tlat si a ni.
Guinness World Records chuan X-ah Curacao record siam chungchang hi an post a, “Gilbert Martina, President, Curacao Football Federation hnenah a mi cheng tam lam atanga teha mipui 156,115 mipui awmna niin FIFA World Cup khel thei ram tê ber record an siam tih puanna lawm takin kan hlan e,” an ti.
Curacao hian an World Cup match hmasa berah World Cup-a vawi li champion lo ni tawh Germany an hmachhawn nghal a, World Cup an khelh vawi khatnaah hian Germany lakah goal khat an khung ve nghe nghe a, mahse, Dick Advocaat-a team te lakah Germany hi 7-1 in an chak zui ta tho a ni.
Curacao hi thliarkar niin, Caribbean Sea chhim lama awm a ni a, Venezuela atanga hmarlan km 65 leh Aruba chhimchhak lam km 80 a awm a ni a, a thliarkar lian ber Curacao chu a ram hmingah puin, thliarkar tê zawk, mi cheng awm lohna Klein Curacao (Curacao tê zawk tihna a ni mai awm e) a awm bawk. A ram hi sq km 444 a zai a ni.