2026 ESPYS Nominations-a Lionel Messi leh Alysa Liu an langsar

2026 ESPYS chu New York City-a July ni 15 hian an sem dawn a, nominations pawh an pung ta. Kumin award show hi Marcello Hernandez-a’n a host dawn a, fan voting pawh an awng tawh. Award semnan hian Lincoln Center, Manhattan-a David H. Koch Theater hman a ni ang.
Mipa infiammi lama ‘best athlete’ category-ah footballer Lionel Messi a lang a, ani bakah hian New York Knicks star Jalen Brunson, L.A. Dodgers star Shohei Ohtanoi leh Rams quarterback Matthew Stafford te nomination-ah an lang bawk. Lionel Messi hi best soccer player-ah nominate a ni bawk a, he category-a hian Ousmane Dembele, Temwa Chawingaleh Alexia Putellas te nen an lang ho a ni.
Hmeichhe lam ‘best athlete’ category-ah hockey star Hilary Knight, golfer Nelly Korda, skiier Mikaela Shiffrin leh WNBA star A’ja Wilson te an lang bawk.
2026 ESPYS-ah hian social category an telh thar a, hetah hian best tunnel fit category a tel a, kum khat chhunga outfit fuh ber tlanna tur a ni a, best celebration leh best sports card a awm bawk.
Best breakthrough athlete category-ah hmeichhe figure skater, Olympic gold medalist China atanga USA-a pem chhungkua atanga chawr chhuak Alysa Liu a tel a, ani hi award dawng tura rinkai niin e category nomination-a hmeichhe lang awmchhun a ni bawk.
Best tennis player category-a Carlos Alcaraz, Elena Rybakina, Aryna Sabalenka leh Jannik Sinner te an lang ho a, he category-a nominee en hian award dawngtu nih hi a nuam duh dawn khawp mai.