Super typhoon thawk tur vangin insaseng nasa

US Pacific territory-a super typhoon thawk tur avangin Guam leh Northern Mariana Islands-ah inthiar chhuah hna thawk mek a ni.
Bavi hian Thawhtanni zingah darkar khata km 257-a chak thli nen khawmual a lut dawn niin US National Weather Service (NWS) chuan a sawi.
Thlipui ‘hlauhawm tak’ hian chhiatna nasa tak a thlen thei tih a sawi a ni a, ‘ruah tam tak avanga tui lian nasa tak a thleng thei’ a, Thawhtanni khan tui fawn pawh metre 11 vela sang a ni thei dawn.
Pacific khawthlang lam bial hi tropical cyclone a tam hle a. Hetianga chak thlipui hi US thliarkar tan thil mak tak a nih rualin scientist-te chuan sik leh sa inthlak nasa chuak thlipui chakna a tizual niin an sawi.
Bavi hian Thawhtanni chawhnu lamah Guam leh Northern Mariana Islands chungah a kaltlang rin a ni a; mahse, NWS chuan thlipui tleh vanglai hma leh a hnu darkar riat atanga 10 chhung chu chhiatna thlen thei a nih thu a sawi.
Guam hi a tlangpuiin ni a chhuah thatna hmun, khualzinte tlawhna tam leh mi 1,70,000 vel awmna a ni a, an sikul hrang hrangah evacuation center panga hawn a ni a. Heng hmunte hi mi 1,700 vel awm theihna a ni a, a bik takin mi harsa zawkte tan ruahman a ni.
Thliarkara civil defence office chuan Pathianni khan chawhnu dar 01:00 (India-a zing dar 08:30) khan insawn chhuahna hmun pakhat chu a khat tawh tih sawiin mite chu hmun dangah hruai an nih thu a sawi.
Bavi hi US Navy pawl, Pacific khawthlang lama tropical storm vil hna thawktu, Joint Typhoon Warning Center (JTWC) chuan super typhoon-ah a chhiar.
Super typhoon hian thli hi darkar khata mel 150-a aia chak a keng a. JTWC chuan Bavi hian thliarkarte a thlen hunah mel 173-a chak a ni dawn a, mel 207 thleng a ni ang tih a sawi.
NWS chuan super typhoon hi category four leh five hurricane angin chhiatna thlen theih tlukpuiah a ngai.
Bavi hi kum 10 kalta chhunga US ram biala category four emaw, five emawa chak tropical cyclone thawk 11-na a ni dawn a – kum 57 kalta chhunga thawk aiin aiin pakhatin a tam zawk.
El Niño chak tak – Pacific-a tui chung hmun lumin a siam sik leh sa awm dan chuan tropical storm tam zawk leh chak zawk a siam nasa a ni.
Guam leh Northern Mariana Islands-ah kumin hian super typhoon pakhat a tawk tawh a – April thla khan Sinlaku-ah hian mi 17 an thi a, $ tluklehdingawn 1.5 man hu chhiatna a thlen bawk.
Tuipui chung boruak lumin boruakah tui tam zawk a hruai lut a, thlipui insiam a tichak sawt zel a ni.