I easy mah mah em?

I easy mah mah em?
Hmeichhe tan hei hi a pawimawh khawp mai, mipa lakah i awlsam mah mah em tih inhriat theih dan a awm niin relationship lama mithiam ten an sawi a, he quiz hi chhang la, i dinhmun i hre thei ang a, insiamthat a tul chuan insiamtha ang che.
1. Mipain in vawikhat inhmuhnaah chhuahpuiah sawm ta che sela, i duh ang em?
A. A hmelthat a, min duh ni a ka hriat chuan ke hreh miah lo.
B. Mipa chu hriatchian hmasak phawt ka duh ang.
C. Ka tlansan nghal ang.
2. In vawikhat in-date naah mipaa chu i kiss nghal ang em?
A. A zei dan a zir a ni mai.
B. Teuh lo mai. In-kiss nghal ngawt te chu a!
C. Ka kut a vawn theih ringawt pawhin a lawm tawk tur a ni ang.
3. Mipain a fak thiam em che avang ringawtin i len chhuahpui duh ang em?
A. Tehreng mai, min ngainatu te chu ka duhzawng tak alawm.
B. Min fakna te chu a tih tak tak leh tak tak loh te hrechiang phawt ang chu.
C. Teuh lo mai, chutiang mipa lakah chuan ka fimkhur sauh ang maw le.
4. In in-date vawi khatnaah engtin nge i inchei ang?
A. A mit la thei tur ang berin le.
B. Hak nuam ka tih zawng, zahawm ve tho si.
C. Jeans leh sneaker a ni mai.
5. I date nen chuan in lam dun a…
A. Zei takin ka che ang, ka hot tih a hriat theih nan.
B. Amah hneh tum kher loin nuam ka tih angin ka awm mai ang.
C. Ka hnaih vak lo ang.

I chhanna chu ‘A’ deuh vek a nih chuan: I easy deuh mah mah a ni. I mipa tawn thar apiang tih deuh huam kher a tul lo. In-date vawikhatnaa i khawsak dan turah pawh chintawk i insiam thiam a tul, mipain an ngai awlsam lutuk palh ang che.

I chhanna chu ‘B’ deuh vek a nih chuan: Mahni invawng thei tak, phur hurh anga lang si lo, inti eng emaw vel a, mipa tana pawh ngamawm loh khawp ni si lo i ni. I khawsak dan pawh a mawi tawk viau e.

I chhanna chu ‘C’ deuh vek a nih chuan: I inhawn ve deuh a ngai. In-date vawikhatnaah fimkhur hle chu a pawi hauh lo a, a engamah hmaa in-kiss tir nghal ringawt i duh lo pawh a tha khawp mai. Mahse, mi hnial i hreh vang te, mi rilru tihnat i hlauh vang ringawt ten mipa hnial hreh suh. Tin, i fimkhur luatah inngaihzawn boruak nawmna i hre ve lo palh hlauh ang e.