Champhaiah HIV kai 19 hmu thar

District Aids Prevention & Control Committee (DAPCC) Champhai chu additional DC Lalbiakfela hoin Ningani khan an thukhawm a, Mobilisation for AIDS Suraksha (MAS) kalpui zel dan tur an sawiho.
|hutkhawmah hian powerpoint presentation hmangin khaw hrang hranga HIV/AIDS awareness campaign neih a nih tawh dan leh HIV/AIDS kai tehfung 95-95-99 target-a hmasawn ngaihna hrang hrang tarlan a ni a. Tunhnaia Champhai district-a HIV screening neihna hmun hrang hranga positive an hmuh dan report niin, tunhnaia mi 1578 test-ah 19 chu HIV an kai tih finfiah a ni a, 18 chuan ART an la a ni.
Mass Screening cum Sensitisation Programme kalpui dan tur an rel a. Thawhkhatnan sawrkar leh commercial drivers, police, Assam Rifles leh Excise & Narcotics thawktuteah a hlawma awareness leh screening neih thuai theih tura hma lak nise tih a ni a. Integrated IEC Campaign kalpui zel dan tur rel nghal niin, Champhai district-a khaw 25 tlawh chhuah dan tur an sawiho. Tunah hian Sesih leh Ngur khua tlawh tawhin, October ral hma ngeia khaw tlawh tur la awm pawh tlawh thuai tura rel a ni.