Miss Universe India 2026 – Kaziah Liz Mejo

erala nula, Kaziah Liz Mejo, kum 19, chu Miss Universe India 2026 atan thlan a ni a, November thlaa Puerto Rico-a 75th Miss Universe thlannaah India ai a awh ang. Miss Universe India 2026 grand finale hi August ni 23 zan khan Zee Studios, Jaipur-ah neih a ni a, Miss Universe India 2025 Manika Vishwakarma-i’n crown a khumtir ta a ni.
Kumin hian contestant 52 awmin, 1st runner up leh Miss International India 2026 ni nghal chu Tamil Nadu nula Vaishnavi Gannesh niin, 2nd runner up chu Gujarat nula Anushri Satavlekar a ni a, third runner up chu Tejaswini Shrivastava niin, fourth runner up chu Anubha Vashist Chaudhary a ni ve thung.
Kaziah hi Mavelikkara khawchhuak niin, law zirlai leh model a ni a, 2025 khan Miss Teen International-ah India a lo awh tawh a, hetah hian first runner up a ni nghe nghe.
Kumin hian judging panel ‘Miss’ hlui pali an tel a, India a\anga Miss Universe ni hmasa ber, 1994-a Miss Universe title India-a rawn hawntu Sushmita Sen, Miss Universe India 2001 Celina Jaitly, Miss Universe India 2015 Urvashi Rautela leh Miss Universe India 2024 Rhea Singha te an tel a, anni bakah hian film producer Pragya Kapoor; entrepreneur Visha Ladhia; Miss Charm 2025 Anna Blanco; leh dermatologist Dr Stuti Khare Shukla te pawh an tel.