BJP hruaitu in kawng chhia thlen

Mizorama kawngpui chhia leh tih changtlun a ngaih dan chu BJP Mizoram hruaitu Delson Notlia chuan sawrkar laipuiah a thlen.
BJP State general secretary Delson Notlia, MDC hian Thawhtanni khan New Delhi-ah Union minister for Road Transport & Highways Nitin Gadkari a hmu a. Mizoram hmasawnna atana State president Dr K Beichhua, MLA in a lo thlen tawh ho a bawhzui.
Mizoram hmun hrang hranga kawngpui chhia – Mamit district chhunga kawng chhe lutuk, Lunglei district (ATL Road) inkalpawhna chhia, Mizorama national highways upgrade ngai, lei dawhna hmanrua leh kawng tlo zawka siam chungchang a sawipui bakah Kaladan Multi Modal Transit Transport Project-a Lawngtlai Land- Owners Association buaina, upgradation & widening of NH 502 Zero Point to Siaha town leh, Amotlah to Mamte kawng siam a pawimawh zia a thlen bawk.
State-in proposal a siam huna pawmsak tura a ngenna chu Union minister hian tihhlawhtlin ngei a tum thu a lo hrilh a. BJP Mizoram-in state hmasawnna atana hma a la thin chu fakawm a tih thu pawh lo hrilhin, hmarchhak state hmasawnna ngaihpawimawh a ni tih a lo hrilh bawk.