ZD Lalvunga
RAMRI: British Sorkar-in Mizoram a awp hmain, British (India) mi leh sate’n Thingpui Huan siam nan Cachar depa Lushai Territory an rawn hmanga, kan Lalte’n an ram hauhvin an zu umchhuak Thin a. Ramri tihchian nan 1875-ah British (India) Sorkar (Sovereign) leh Suakpuilala (Sovereign) te’n SA-UI tanin, International RAMRI LUNG 46 lai an phun a. Chumi International Boundary chu nemngheh nan India Sorkar-a, Foreign Department [International thil a nih avanga] hmangin, Governor-General-in-Council in Notification No. 2299P, dt.29.8.1875 a chhuah a, chu chu C.U. AITCHISON-a, Secretary to the Government of India, hming sign a nemngheh a ni. He India Sorkar Notification hi, India Sorkara Foreign Department vek lo chu tidanglam, thaichhe thei an awm lo. Assam Sorkar-in a tidanglam thei lo. Tun thlengin tihdanglam a nih hriat a ni hek lo. He Notification hi India Evidence Act, 1872, Section 113-na chuan “finfiahna chiang” (conclusive proof) a ti a, a kalh zawnga sawi hi Section 4-na chuan a khap tlat a ni. Ramri Lung 46 te hi venhim an ni Thin. Hei hi India leh Mizoram ri a ni.
INNER LINE RESERVE
FOREST PUANNA:
Assam Gazette, Revenue Department, DECLARATION dt. 17.2.1877 hmangin Government reserved forests pasarih (7) Assam-in a puang a : chung zinga a pasarihna chu Inner Line Forest Reserve a ni a, a ramri te chu : Khawthlangah – Sylhet leh Cachar ramri-a Lushai ramri aTangin hmar lama Inner Line thleng; Hmar lamah – Sylhet ramri-a Inner Line aTanga, chhak lamah Barak Lui thleng; Government of India Notification No. 2299P., dated 20.8.1875 a bithliah, Assam Gazette, dt. 11.9.1975, phek 197 a tarlan angin; Chhak lamah – Hmar lam ramri chu Barak Lui Inner Line aTanga chhim lam Lushai ramri thleng; Chhim lamah – Chhak lamah Barak Lui, Lushai ramri aTanga thlang lama Sylhet ramri thleng. A zau zawng, 509 square miles vel.
INNER LINE FOREST RESERVE HI MIZORAM A MI A NI:
He Inner Line Forest Reserve hi, Assam Forest Department-in 1896-97 khan Form 46 gmangin Lushai Territory ami a nih thu a chhuah a. Hei hi tun thleng hian thaichhiatna a awm hriat a la ni lo.
Notification No. 592B.B., dt. 1.4.1898 hmangin Lushai Hills (Mizoram) chu Assama dah a ni a. Notification No. 1093 P., dated 16.3.1904 hmangin Inner Line Forest Reserve hi Lushai Hills district (Mizoram) ah transferred a ni a, tun hun thleng hian thaichhiat a nih hriat a la ni lo. He Notification pawh hi Indian Evidence Act, 1872, Section 113-na chuan “finfiahna chiang” (conclusive proof) ah a pawma, a kalh zawnga sawi hi Section 4-na chuan a khap tlat a ni.
Mizoram Inner Line Notification No. 9102 A.P., dated 28.8.1930 leh Revised Inner Line Notification No. 2106A.P., dated 9.3.1933 pawh hian Inner Line Reserve Forest siamna leh Lushai Territory (Mizoram)-a awm a ni tih hi Indian Evidence Act, 1872, Section 113 bituk angin, hnial theih loh khawpa chiang a ni. A ni lo tih finfiah tum hi Evidence Act, Section 4 “conclusive proof” tih definition-in a khap tlat a ni, hetiang hian-
The Indian Evidence Act, 1872. S.113. Proofof cession of territory – A notification in the official gazette that any protion of British territory has [before the commencement of Part III of the Gov’t of India Act, 1935 (26 Geo. 5, c.2) been ceded any Native State, Prince of Ruler ; shall be conclusive proof that a valid cession of such territory took place at the date mentioned in such notification.”
“S.4 ‘Conclusive Proof’ – When one fact is declared by this Act to be conclusive proof fo another, the Court shall, on proof of the one fact, regard the other as proved, and shall not allow evidence to be given for the purpose of disproving it.”
Ram neitu chuan chhiah a la Thin. Chhiah latu chu ram neitu a ni. Independence neih hnuah Mizoram chu Autonomous District Council neia siam a ni a. ADC chuan Inner Line Reserve Forest enkawla chhiah khawn thei tur officer a nei lova. District Council aiawha chhiah lo la turin Silchar D.F.O. chu a ruat a. Chumi kaihhnawih chuan Assam Sorkar-a Tribal Area Deptt. Secretary, R.V. Subramanian, IAS in Aizawl D.C. hnenah lehkha No. DC.2/53/187, dt. 4.9.1953 chhangin, lehkha No. TAD/FR52/51 dt. 3.10.1953 a thawn a, Forest Reserve chhunga chengte chhiah pek chu District Council Fund a chhun luh tur a nih thu a hrilh bawk.
Tichuan, Silchar D.F.O. chuan District Council aiawhin Reserve Forest chhiah chu a khawn ta Thin a, 70% chu District Council-ah a rawn chhunglut Thin a, 30% chu senso atan a hmang Thin a. Silchar D.F.O. chu District Council (Partime) Officer ang deuh a nih chu.
INNER LINE FOREST RESERVE NGAIHTHAH A NI:
Kum 1972-a U.T. kan neih aTang khan District Council a lo tawp ta si a, Silchar D.F.O. chuan Reserve Forest chhiah a khawn chu chhunluhna tur a nei ta lo a ni ang, a ngawi ta reng mai, U.T. chu District Council a ni si lova. Tichuan Mizoram Inner Line Reserve Forest chu Assam ta anga ngaihna pawh Mizote zingah a lo awm a. Assam pawhin a ta neih ta ringawt mai a, 1933 a rin, Inner Line hi ramri emaw kan ti ta mai mai a ; a pawi khawp mai.
INNER LINE HI RAMRI
A NI LO
Mizoram Inner Line hi Assam Sorkar-in 1930 leh 1933 khan Bengal Eastern Frontier Regulation, 1873 hmanga a rin a ni a. B.E.F.R., 1873 hi ramri siamna Dan ni lovin, District rorelna leh muanna awmna atana khuahkhirhna (A Regulation for the peace and government of certain districts on the Eastern Frontier of Bengal) mai a ni. Dan thiltumte kalhin emaw, pelin emaw, Dan hi hman theih a ni lo, B.E.F.R., 1873 hmanga Inner Line Dinhmun chu :
Section 2. Power to prescribe an alter Inner-Line : “It shall be lawful for the State Govt. to prescribe, and from time to time to alter, by notification in the Official Gazette, a line to be called “The Inner Line” in each or any of the above named districts.” [State Sorkar-in, a Tul dan azirin, Official Gazette-a notification hmanga bituk, district tinah emaw, eng district tan pawh, “Inner Line” tia hriat tur a rin thei ang].
B.E.F.R., 1873-ah hian Inner Line hi Ramri a ni ang, tih thu reng a chuang lo. Chuvangin, Inner Line hi ramri ni tura ziahna a awm pawhin, chu chuan B.E.F.R., 1873 thuneihna a palzut a ni. Tin, 1930 leh 1933-a Inner Line rinna Notifications te hian Ramri khamna Notification No. 2299P, dt. 29.8.1875 leh Inner Line Reserve Forest Lushai Hills-a transfer-na Notification No. 1093P., dated 16.3.1904 te hi a thaichhe lova, a luahlan lo ve ve bawk. A la nung ve ve.
MIZORAM SORKAR
HMALAKNA
Ramri chungchangah Mizoram Sorkar leh Assam Sorkar pawh, 1994 tawh khan D.C. Level, Commissioner Level, C.S. Level leh C.M. Level-ah an lo inbe tawh Thin a. Chuta rawtna te chu-
(a) Mizoram Rawtna : Kan history te, a mihring chengte, Tawng leh thildang a kaihhnawih te behchhana ramri kham; 1875 Notification behchhana Ground demarcation siam.
(b) Assam Dinhmun: Hun kal tawh (history), mihring chengte, tawng leh thildang a kaihhnawih te behchhana ramri kham an duh lova; kum 1993-a Notification hmanga Inner Line rin kha ramria hman an duh.
Thutlukna : Mizoram C.M. leh Assam C.M. ten thutawp siam se.
Mizoram C.S. – in Meeting leh chu Aizawla neih a rawt. C.M. te thu tawp siam hriat a ni lova, sawi ho lehna leh hmasawnna a awm pawh hriat a ni lo. Dinhmun (Status quo Ante) tihdanglam loh an remti a ni awm e.
INTER-STATE BOUNDARY PILLAR OF ASSAM AND MIZORAM AT SIHPUI
ZAUTLANGPHAI:
Cachar D.C., H.K Dev Mahanta chuan Kolasib D.C. hnenah lehkhathawn No. CCB. 18/12/43. dt. 26.9.2012 hmangin hetiang hian Ramri Lungphun chungchang a hrilh:
To
The Deputy Commission,
Kolasib District, Mizoram
Sub: Construction of Pillar at “Sihpui Zautlangpuiphai” By Assam Government.
Ref: Your letter No. J. 31015 /5/2008- D.C (K)/207 dated 11/9/2012.
Madam,
“In response to your letter under reference, I would like to inform you that Inter-State Boundary Pillar of Assam and Mizoram at Dohlakhal area near Dholai river at Geo Coordinates N-240o 11.5”, E-92o 45’ 46.5” was removed by the miscreants which was initially planted by Assam Survey Personnel during 1959-60 after conducting Boundary Survey and Demarcation and which is found to be the tri-junctional boundary point of Cachar District, Hailakandi District and Mizoram State. This pillar was identified and taken as referral point for demarcating the coup area under the Cachar Forest Division while joint Survey and Demarcation of Bamboo Coupe in Inner Line Reserve Forest was done on 3/8/2012 by the staff of Dholia Range and H.P.C. (Panchgram) officials.On 22/8/2012 a report was received that this pillar was dismantled and removed by miscreants. Realizing the importance of existence of the pillar, it was decided to reconstruct the same on the same place and therefore pillar was re-erected by the staff of Dholai Range on 5/9/2012 on the same spot as depicted by Geo Coordinates.
“You are aware that the Union Territory of Mizoram was created on 21st January, 1972 after the year 1959-60 and therefore Status-quo Ate be maintained as per bilateral Agreement although there are some difference between Assam and Mizoram over the Inter State Boundary and the pillars should be put in place to maintain Status quo Ante. You would appreciate that this is not a matter of violation of Status quo Ante in the disputed area from the state of Assam side.
“Matter may be discussed in detail in the proposed meeting to be held on 5/10/2012.
Yours faithfully
Sd/- illegible
(H.K. Dev Mahanta)
Deputy Commissioner,
Cachar, Silchar.”
Kolasib D.C. aiawhin, Lalrinawma, Sb-Deputy Commissioner (R) chuan Secretary to Govt. of Mizoram, Home Department-ah lehkha No. J. 31015/5/2008-D.C. (K)/216, Dt. 4th Oct. 2012 a thawn a, hetiang hian :
To
The Secretary to the Govt. of Mizoram, Home Department,
Mizoram, Aizawl.
Sub: Construction of Pillar at Sihpui Zautlangpuiphai by Assam Govt.
Ref: Yel/C555/4/P4 of 10/07/2012
Sir,
“With reference to above subject, I have the honour to forward herewith a photocopy of letter received from Deputy Commissioner, Cachar, Silchar for favour of your kind information and necessary action please.
Yours faithfully,
(LALRINAWMA)
Sub-Deputy Commissioner,
Kolasib District, Kolasib.
A Meeting of D.C., Cachar and Kolasib was held on 05/10/2012 at 01:00 P.M at Circuit House, Silchar. It was agreed to maintain Status quo Ante as agreed in the C.M. – Level Meeting between the C.Ms of Assam and Mizoram, convened by the Union Home Minister on 6/2/1994 which was subsequently agreed at the C.S-Level Meeting held on 15/2/1994. It was also agreed to hold monthly co-ordination meeting between Officer-in-charge Police Station Vairengte of Kolasib District and Dholai P.S. of Cachar District and, also regular co-ordination meeting between D.C. Cachar and D.C. Kolasib on quarterly basis, etc.
5/10/XII Sd/- Illegible
(Niharika Rai, IAS)
Deputy Commissioner,
Kolasib, Mizoram
Sd/- Illegible
(D. Malakar, ACS)
Deputy Commissioner
Krimganj
Sd/- Illegible
(H.K. Dev Mahanta, IAS)
Deputy Commissioner, Cachar, Silchar.
INNER LINE RESERVE FOREST
Tichuan, Inner Line Reserve Forest chu Mizoram chhung ami a nia, Mizoram ta a ni, Cachar leh Mizoram inrina ramri chu India Sorkar, Foreign Department Notification No. 2299P, st. 20.8.1875 bituk hi a ni. Cachar D.C. lehkha D.C. No J. 31015/5/2008-DC(K)/207, dt. 11.9.2012 pawh hi a dikzia a tilang bawk a ni.
Hei hi Inner Line Reserve Forest leh Ramri chungchang Dan-in a sawi chu a ni a; Dan hmang chuan Assam Tanna hi a dik loh avangin Assam chuan ramri buai kan nei lo tiin an Tang a, Mizoram-a awm Inner Line Reserve Forest neih hlen theih nan Mizoram Sorkar rawtna pawh an pawm lo a ni.
INNER LINE RESERVE
FOREST MIZORAM SORKAR KUTAH AWM SE
Silchar D.C. ziah angin, Cachar leh Mizoram ramri LUNGPHUN pakhat chu Dholai Lui kam, Dholakhal-ah a awm a, kan ram zau tak Assam kuta awm hi thil dik a ni thei lova, Mizo te tan a tlawm thlak a, ramri thu Vairengte O/C leh Dholai O/C kuta dah phei hi chu a zahthlak a ni. 1972 aTanga tun thlengin chhiah pawh an chhung lova, a thlawnin kan ram an luah a, chutih laiin Mizoram chhiah leh thildang man nasa takin a pung a. Assam-in 1972 aTanga chhiah an lak pawh, a pung nen, Mizoram Sorkar-ah pe se, Inner Line Reserve Forest hi Mizoram Sorkar-in a rang thei ang berin laktir tawh se, tih hi J.A.C. ngenna a ni.
The Bible
Number 33:55 :- Amah erawh chu, khu mi rama awmte chu in hnawhchhuah loh chuan in awmtirte chu, in mit tan chhuntu leh, in pangte tan hling ang an ni ang a, in awmna ram chu an ti mangang ang che u.
Deuteronomy 7:5 :- An chungah hetiang hian in ti zawk tur a ni; an maichamte in ti chim ang a. An lungphunte in tikeh sawm ang a, an Aseri te in kit ang a, an milem siam chawpte in hal vek tur a ni.