Financial year kal lai 2026-27 chhunga Mizoramin chhiah a hmuh hnem berna chu Sales Tax a ni a, tuialhthei atanga chhiah (cess) lakin a dawt.Taxation department-in chhiah chi hrang hrang an lakah financial year kal laiah hian Sales Tax-ah Rs 2,03,44,26,422 hmuh a ni tawh a, tuialhthei atanga chhiah lakah Rs 73,12,09,666 hmuh a ni tawh.
GST-ah Rs 5,76,47,12,826 hmuh a ni tawh a, Professon Tax-in dawt lehin, Rs 8,41,58,097 hmuh a ni tawh. A chi dangah Rs 1,48,734 hmuh a ni tawh bawk.
2026-27 hi kumin April atanga nakkum March thla thleng tur a ni a, thla sarih a liam tawh. Thla sarih (April atanga October) chhung khan chhiah chi hrang hrangah Rs 8,61,46,55,745 hmuh a ni tawh.
Kum hmasa 2025-26 khan chhiah chi hrang hrang atangin Rs 12,78,55,13,765 hmuh a ni a, kum kal laiah hian thla nga a la awm.
Kum kal laiah hian chhiah chi hrang hrang atanga sum luh hnem ber thla chu April a ni a, a thla khatnaah khan Rs 2,09,30,61,057 hmuh a ni. A dawttu chu thla liam ta October kha a ni a, Rs 1,60,33,70,744 hmuh a ni.
2026-27 chhunga
chhiah lut tawh zat
Thla Sum
April Rs 2,09,30,61,057
May Rs 92,51,49,119
June Rs 79,93,01,696
July Rs 1,56,18,76,922
August Rs 85,36,65,211
September Rs 77,82,30,994
October Rs 1,60,33,70,744
Total Rs 8,61,46,55,745
Get real time updates directly on you device, subscribe now.
Prev Post
Next Post