AR sipai zinga chawimawi phu hnenah Governor’s medal hlan

Inspector General Assam Rifles (East) buatsaihin Nilaini khan Lok Bhavan-ah Assam Rifles Investiture Ceremony 2026 neih a ni a. Larsap Gen Vijay Kumar Singh (Retd) chuan AR zinga hna thawk tha zual thlan chhuah mi 44 hnenah chawimawina tangkapui – Governor’s Gold Medal 26 leh Silver Medal 18 a hlan.
Larsap chuan, Governor’s Medal dawngtute a lawmpui tih sawiin, lawmman an dawn chu ram tana an inpekna leh tha thawh ngaihhlutna a ni tih a sawi. Investiture ceremony hmanga Assam Rifles thawk thate chawimawi thin chu programme satliah mai a ni loa, sipaite phurna nasa zawk pekna atana ruahman a ni, tiin, medal dawngtute chuan tha taka chona an lo hmachhawn tawh thin angin, hma lam huna chona awm turte pawh tun aia tha zawka an hmachhawn theih ngei a beisei tih a sawi bawk.
Assam Rifles chu tunhma atang tawhin India hmarchhak-in hun harsa a paltlang laia ram rawngbawl kawnga hmingtha, mipui nen pawha tha taka thawk thin an ni tih a sawi a. Indo-Myanmar ramri ven leh India ram tana buaina lian tak, ruihhlo tawlh beihlet kawnga hma an lakna fakawm tiin, buaina a la pun zel dawn avangin India ram himna leh ram tan tha tura theihtawp chhuaha engtik lai pawha mit leh beng chhi kar thin turin a chah.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More