Congress sawrkar loh mipuiin an tuar – Lal Thanzara

Congress an sawrkar loh chuan mipui leh ramin an tuar zel dawn tih an party hruaitu Lal Thanzara chuan a sawi.
Nilaini khan Congress Bhavan-ah Mizoram Pradesh Congress Committee (MPCC) Executive Committee an nei a. Thusawitu MPCC president Lal Thanzara chuan, he thu hi a sawi a. A politics khelh chhan chu chief minister nih a ni lo, tiin, “Ka tum ber chu, kum 2028-a Mizoram-a Congress a sawrkar ngei theihnana hma lak a ni,” a ti.
An sawrkar theihnan theihtawp chhuaha hma laa thawk turin Congress party mite a chah a. An sawrkar duh chhan pawh Mizoramah corruption nuaibo a nih theihnan, miretheite khawsak a lo awlsam theihnan, ram leh mipui tana malsawmna an nih theihnan a ni tih sawiin, “Congress a sawrkar leh theihnan theihtawp chhuahin bei ang u,” a ti.
Congress an sawrkar loh chuan mipui leh ramin a tuar zel dawn tih a sawi a. Pathian malsawm tlaka an nun chuan, kum 2028-ah he ram rorelna chelh turin Pathianin a khaichhuak ngei ngei ang tih a ring tlat tih a sawi a ni.
MPCC Executive meeting-ah hian resolution paruk a pawm:
of religion) in India khua leh tuite sakhaw zalenna min pek nasa taka rahbeh a ni ta hi pawi kan tiin kan dem takzet.
8 Rinna chu mimal duhthlanna a ni a, India Danpui hnuaiah Kristian nih chu sual (dan phal loh) a ni ngai lo. Sakhaw zalenna hi kan dikna chanvo (Fundamental rights) a ni.
8 Missionary-ten tihluihna, tawktarh leh thlemna hmang thin anga dik lo taka puhna awm thin leh, chumi chhuanlama Kristiante chunga hleilen leh tihduhdah a hluar ta hlauh hi demawm kan ti.
8 India ram pumah Kristian nekchepna a pung nasa hle a. Kristiante nekchepna hi Congress party chuan a dem takzet. West Bengal-ah pawh BJP a sawrkar phat atanga nasa taka he state chhunga Kristiante nekchep leh tihduhdahna pung hi kan dem a. Hun reilote BJP a sawrkar chhunga Kristiante tihduhdahna United Christian Forum report angin tum 60 chuang a thleng tawh.
8 Foreign Contribution (Regulation) Amendment Bill 2026 hi tha kan ti loa, Congress party chuan kan do zel dawn.
8 India rama sakhaw zalenna humhima a awm zel theihnan theihtawpin hma kan la zel dawn a. Kan ram, kan hnam, kan sakhua humhim leh tih hmasawn zel hi kan tum a ni.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More