A damloh hnua vawi khat nan Pope thlalak tichhuak

A damloh hnua vawi khat nan Pope thlalak tichhuak
Vatican chuan Pope Francis-a chu thla khat liam taa damdawi ina a luh hnuah a vawi khat nan a thlalak an tichhuak.
Thlalakah hian pontiff hi Rome-a Gemelli Hospital-a pneumonia avanga enkawl a nih mekna hmunah chapel-a maicham hmaah wheelchair-ah a thu.
Pathianni khan thuchah tichhuakin Pope hian ‘fiahna hun’ a hmachhawn mek tih a sawi a, atana tawngtaitute lawm thu a hrilh a. Indona-in a hliam khawvel tana tawngtai turin mipui a ngen bawk.
Pathianni khan a zawna a vawi nga nan Pathiannia Pope-in mi a malsawmnaa a inlan lohna a ni ta a. A hmain Vatican chuan X-ray-ah chuan ‘hma a sawn’ tih a lan thu leh damdawi ina awm erawh a la ngai tih an sawi.
Kum 88 mi, Pope Francis-a hi February 14-a damdawi ina dah luh a nih hnuah Pathiannia a thlalak tihchhuah tih loh amah hmuh lehna a la awm lo.
Gemelli Hospital-a a luh hian pneumonia pahnih leh natna dang avanga enkawl a ni a. A thawk lamah harsatna a nei a, hei hian a dam zelna pawh a tibuai theia ngaih a ni.
Tun thla tirah khan a pianpui, Spanish-a a tawngna audio recording chu St Peter’s Square, Vatican City-ah tihrik a ni a. A aw a chau hle.
Jorge Mario Bergoglio tih hming pua piang, Francis hi America atanga Pope ni hmasa ber a ni a. A thatlai lai atanga hriselna chak lo niin a chuap then paih a ni tawh a, hei vang hian pneumonia a kal hma hle.
A dam chak loh avang hian Pope Francis-a hian Benedict XVI a ban dawna amah thlaktu tur pawh a thlang ang khan a thlang ve dawn nia sawi a awm hman a; mahse, a thiante leh a chanchin ziaktute chuan chutiang a tum lo tih an sawi a. A hriselna tha lo deuh mah se damdawi in atang pawhin pontiff hian a tih tur a ti zel dawn tih an sawi.
Kumin hi Catholic Holy Year niin Rome khawpui tlawhtu hi mi maktaduai 32 tal an tlin rin a ni.