A duhthusam puitlinin home race-ah Leclerc chak ve ta nge nge e
Ferrari driver Charles Leclerc chuan Pathianni Monaco Grand Prix-ah Red Bull driver tawrhhlelhawm pahnih hmakhalhin hnehna a chang a, kum 1931 daih tawha Monaco kawtthlera tualchhung driver hnehna lo chang ve tawh Louis Chiron hnu lama he tlankawnga tualchhung mi hnehna chang leh thei hmasaber a ni.
Tun hi vawiruk a tlan tawha kum 26 mi Leclerc-a’n Monaco podium a lawnkai vawikhatna niin, a hmain tum hnih chu an ram tlankawngah hian pole position atangin a lo tlanchhuak tawh a, mahse, lawmman semna dawhsan a luah phak chu tuntum chauh hi a la ni.
Rin loh takin intlansiak hmasa pasariha podium thunun nghet hmiah Red Bull chhuanvawr Max Verstappen leh a team-mate Sergio Perez chu top three-ah an lang pha lo a; Dutch driver Verstappen hi paruknaah thlengin, Mexican Perez phei chu a tlanchhuak zo lo!
Red Bull championship leader leh 2023 Monaco winner ni bawk Verstappen tan tun kha season kal lai intlansiak vawiriat awm tawha pakhatna dinhmun a luah phak loh vawithumna chiah la niin, race dang pangaah chuan triple world champion hi pakhatna a ni fai vek.
Pathianni intlansiakah Ferrari driver Leclerc khan pole position atanga bul tanin hnehna a chang a; tarlan tak angin, Leclerc hi kum 1931 hnu lama Monaco tuiliak (Monegasque) zinga home grand prix hnehna chang thei hmasaber a ni.
McLaren car khalhtu Oscar Piastri chuan pahnihna dinhmun luahin, lawmman semna dawhsan hniam ber luaha pathumna chu Charles Leclerc-a Ferrari team-mate Carlos Sainz a ni a, Ferrari one-two kan hmu pha lo chiah chiah!
Max Verstappen chuan F1 drivers’ championship standing-ah hma a la hruai chhunzawm zel a, amah hnaibertu Charles Leclerc lakah point 31-in a sang.
Kum 2022 hnua a chak vawikhatna chhawrin Leclerc pahnihna a ni a; Norris, Sainz leh Sergio Perez-te’n an dawt.
A duhthusam puitlinin home race-ah Leclerc chak ve ta nge nge e
Get real time updates directly on you device, subscribe now.
Prev Post
Next Post