F.Malsawma
-- Advertisement --
Lal leh ropui, sum tuakna, khawvêl lam thi atâna ti lêm lo, RAM LEH HNAM TÂNA TUM NEI REN RAWNA POLITIC LÛTTE HI (tunlaia politician kan tih tlângpui ang chi POLITICIAN an ni lêm lo), mi mit pawh kan tlûng ve lo. Party pathiantute tân phei chuan huatthla la tak a nih theih. Kan ramin a zawn, sorkar hnua sawi ang ni leh si lo, mi tihdan tha lo va kal ve lehzêl nih a awl khawp mai.
Thiltum hlen tuma beih ngur ngur mai chuan, thawhpuite duh ang tlin a har. Sum, tha leh tuiin tlin loh hun a awm a. Politic khelh zui zêl theih loh hun a awm thin. Mahse, Party politic kher loah pawh, Assembly/Parliament pâwnah tih peih chuan tih tur a lo tam khawp mai. Tlin tâwk tâwka thawh hi chu chhunzawm zel ila, mahni mual mualah a tha mai.
Mipui harh chhuah hmaa thil awm dân tur lo hmuh lâwka lo hmachhawn(fight) fo chu mah nin tlin loh hun a awm duh a. Politician nih hrim hrim, ropui (career siam) ve duh tân chuan awmna ngaiah awm ngar ngar mai a, ropui hun inher chhuah hun nghah chhuah te pawh awm thei a, a tha viau mai thei e.
A hnua mipui rawn harh chhuah tak tak hun hi chu a tlai viau tawh thin a. 1987 chho vêla MNU in kan au pui lam hawia Sorkarin hma a la chho ve tan zel te, Election manifesto-a dah a ni ta fur mai han hmuh leh, kuthnathawktute hamthatna tlêm tlêm hmalâkna lo awm belh zêl tate hian min va tihlim êm! Hmânah khân lo hmang tan tawh phei ila chu aw….. thingtlâng lam harh mawh lutuk hi, an tâna tha tur si ah, a pawiin kan tlai ta hle mai.
Sawi kai zêl ang aw…Pu |henphunga vision….Tlawng lui, Tuivai, Kolodyne te hi khuah ni tawh se chu. MW 60+210+450=MW 622 kan nei tawh tur a nia le. Buhah kan intodelh tawh ka ring bawk.
Airport, Millennium Market, University, Medical College te kan nei tawh a, District 11 lai kan nei tawh a, Phûl lem phah playground tam tak, Kawng sial lai ropui tak tak leh chakai farm demonstration te hial kan nei ta a. Mau ram ropui tur intintuah ..mau tuai tê tê te nen kan thang zel tho e. Mipui ngaih dan dan ni teh se.
Pu Kamrula,Majumdar, Raju, SP Chopra, Jodraj Jain, Gulgulia, Makhan adt ho pawh hian hun lai an nei vek a. VIP vua leh vâng lâr tak tak hote pawh, mual an liam ve zel a, a dang lo chhuak leh zêl awm tak ang maw? ‘Last minute’ tih te pawh hi thawnthu sawi hlawh tak an la nih ve leh hun a la awm mai thei a nia. Lung an la tilêng phian mai thei. Chhun mumang han pho chhuah zauh te hi a nuam ve mai mai mang e.
Ê, tawngvai zêl teh ang aw.
…Zofa, Zohnahnahthlâk tih diah duah ai chuan, MIZO tih hi, 1954, 1965 tea lo khel thin leh pawm tituai tawh ang khân, i hmang hmiah mai ang u. Huapzo dang a awm thei lo a nih hi. Zomi pawh a letling a ni mai…Zomi…Mizo…Chin Hills, Kuki lam thlenga hâwl kim tur chuan MIZO tih hi a dik ber mai. Chin, Tidim, Zomi, Paihte, Kuki, Thado, Hmâr etc., etc., a hláwm lian ringawt pawh a tam mai. Naga ho, 19+4 te pawh Naga an inti mai. |awngah an buai lo. Nagamese…piang chawp ta mai leh English common language-ah an hmang mai a ni. Tu mah Mizo bik kan awm hek lo. Mizo Tribe chu tam tak kan awm. Major Mizo (Major INDIAN Languages iangin) tawng ni vek kan nei nual a, hengho pawh hi Zotawng pakhat a ni mai. Rawn inher chhuak chho (evolve) tur a ni. I inpumkhat sauh sauh ang u. A duh lo chu VAI EMAW, NON-MIZO EMAW NI MAI RAWH SE. (Vai hi, Unaupa (bhaai) tih atanga lo chhuak ni-a sawi a ni).
Sum tuakna, hausak leh ropui duhna atâna politic khêl leh….. ram tân tak taka inpete hi, ram hruaitu lawk chinah hian, a eng nge tam zâwk ang le, tunlai hian? Mi zawng zawng an tha lo vek lo, mi tha tam tak an awm tih hi hriat ve reng tur a ni.
A táwp nân chuan, MIZO NATION Zoram khawvâr huna lo piang tur, Mizo Zâwlneite hmanga Lalpan a lo pian theih nân, a bul tùmtu tur Lalpa au vin, i dîl zêl ang u. Eng nge kan lo tih ve tur te, kan tangkaina tur te Lalpan min hrilh a, min buatsaih turin bâng lo vin i tawngtai zêl ang u. Mi ram leh mi kâra awm ve, lêng ve nih reng mai hi chu, Lalpa min ruat, koh leh dah tumna a nih a rinawm loh a ni. Israel fate pawh ram tiamah, Aigupta atangin a hruai chhuak a nih kha. A hun takah Lalpan a thlentir ve dâwn a ni tih i hre reng ang u.