A \hen dawn che tih em?

I ngaihzawng khan then a tum hnai che tih hriat theih dan a awm niin relationship lama mithiam ten an sawi a, kan rawn tarlang e.
In inkar kha a tha viaua i hriat lai khan, chutiang chu a lo ni reng lo mai thei. Chuvangin, i lo inrinlawk theih nan leh hma i lak theih nan then a tum hnai che tih lo hriat lawk theih hi a pawimawh tlat.
1. Inhmuh intiam emaw, ka rawn leng ang a ti emaw a ni thei. Mahse, a rawn thulh leh thut thin. A vawikhatnaah chuan ngaihthat lohna tur a awm lo, mahse, chutiang chu a thleng deuh fo a nih chuan chhan a awm tih hrethiam mai ang che.
2. Awm fal a duh ta mang lo. In pahnih chauha awm theihna chance pawh a bawhpelh lui deuh tlat zel a. Tunhma zawnga amah chauha rawn leng thin khan thiante a rawn hruai zel tawh a nih chuan thil fel lo a awm tih hrethiam ang che.
3. I ngaihzawng chuan i thiante nen hun hmang tam tura a rawn zawk hlauh che a nih chuan i inngaihtuah thar a tul.
4. A hma chuan mi zinga inkal dun pawhin kut invawn sak te nuam a ti viau thin a, tunah chuan chutiang chu a duh ta lo. ‘Miin min sawi duh lutuk ang,’ tiin chhuanlam te a siam ta a nih chuan i dinhmun a him vak lo.
5. Inpahniha romantic deuh taka inawm dun theihna hun turah chhuanlam eng emaw a siam a, a lu nat thu emaw ten emaw a hnial deuh zel che a nih chuan, in inkara tek deuh sek sek a awm ta mang lo tihna a ni thei ang.
6. Nghah deuh reng a ngai a, a tlai zawkah a tang ta deuh ziah a, a chang chuan i nghakthlawn fo. Chutiang a nih chuan i rilru siam fel vat rawh.
7. I call leh text te a chhang let tha ta lo riau che a nih chuan a rilruah i tla tawh lo tihna a ni.
8. Mahni tawka han hawi thawnven ve deuh a duh thu te a sawi ta fo a nih chuan, tunhma angin i bula awm a thlahlel ta lo tihna a ni.
9. In hmalam hun tur han titi pui vel che a peih ta vak lo a nih chuan rilru thar i put ve a hun ang.
10. ‘I van thau,’ te a ti che em? I pianziaah sawisel tur a nei tan a nih chuan ngaihzawng dang zawng turin hrilh ve tawh mai rawh.