A home race-ah Verstappen bawk ropui

Zandvoort tlan-kawnga Pathianni Dutch Grand Prix-ah driver standing-a hmahruaitu ni mek Red Bull driver Max Verstappen bawk a chakleh ber a, a home race-ah kum thum chhung teh meuh a chak zawn ta a ni.
Qualifying session buai nuai hnuaiah Dutch-man Verstappen hian McLaren driver Lando Norris hmakhalhin pole position a chang a, Pathianni intlansiakah Norris hi che\ha loin pasarihnaah a thleng pha chauh a; lawm-man semna dawhsan luaha pahnihna hauhtu chu Aston Martin khalhtu Fernando Alonso niin, qualifying lama pangana ni pha chauh Spaniard A-lonso hnung chiahah Alpine French driver Pierre Gasly chuan pathumna dinhmun a hauh ve bawk.
Red Bull an ropui tluang zel a, Pathiannia an hnehna chan leh nen season liamta nena belhkhawmin F1 in-tlansiak hnuhnung 14-ah pakhatna dinhmun an hauh fai vek a, kumin bika an vawi 13 chak zawnna ni bawkin, Constructors standing-ah fal takin hma an hruai chhunzawm zel.