A lêt zawnga alphabet type chhuak rang record siam

Kumin February ni 5 khan SK Ashraf chuan computer-ah english alphabet ‘a b c…z’ chu a lêt zawngin (z y x…a)-in second 2.88 chungin a type chhuak hman a, a evidence te Guinness World Records-ah an thawn a, annin an lo endik hnuah kar kalta khan Guinness World Record chuan Ashraf hian record a siam thu an puang ta a ni.
Hyderabad a cheng SK Ashraf eizawnnaah chuan ukil niin, Telangana State High Court-a practice lai a ni a, a video an post-ah chuan Ashraf hian mitkhap kar lek tak takah a type zo hman a ni. Ashraf hian Guinness World Record dang, alphabet type chhuak rang ber (a b c…z) leh number 1 atanga 50 type chhuak rang ber record te pawh a lo siam tawh bawk a ni.