A nau chhannaa nun hlantu naupang huaisen chawimawi

Kumin April thla Tuirial luia a nau chesual a channna lama a nun chan, Anthony Vanmawia (11) chu zirtirtu pawlin an chawimawi.
Kumin April 17 chawhnu khan Govt. Primary School Tuirial Leikaia class-III zirlai Anthony Vanmawia (11) s/o Johsua Lalrinngheta, Tuirial Veng chu an school bang, chawhnu dar 3:00 velah an in bul luiah inchiah dai turin a \hiante nen an kal a, a nau chu balu lakna tui thuk laiah tlain a chesual ta a, Anthony hian a nau tui tla talbuai chu hmuin chhan tumin tuiah a lut a, theihtawp chhuahin a nau chu tui a\ang hian a nam chhuak thei hram a, amah hi chhuak ve thei ta loin tuiah a tla ta a ni.
Mizoram Primary Teachers’ Association chuan Zirtawpni khan he naupang hi chawimawiin a chhungte hnenah chawimawina thuziak leh sumfai Rs. 10,000 an hlan a ni. MPTA president R Zonunmawia chuan Anthony Vanmawia chu an ui a, a thih chhan erawh an ngaihlu hle tih sawiin, India sawrkarin naupang huaisen chawimawina a hlan \hin chu a phu ve hle nia an ngaih thu a sawi.
He hun hmanpuitu School Education director Lalsangliana chuan kan pipute a\anga Mizote kan inzirtir chu huaisen a ni a, Kristian kan nihnaah mahni inphata midangte tana nun pek chu thil hlu tawp a ni, tiin, hei hi Anthony Vanmawia nunah kan hmu ve ve a, Zonun zemawi leh Kristian nihna a phochhuak hi chawimawi phu, chawimawi tur a nih na a ni, tih a sawi. A zirlai pui naupangte pawhin a hun taka huaisen turin Anthony nun entawn se a duh tih a sawi a. Sawrkar kaltlanga thil chi hrang hrang tih theihte an lo enzui tur thu a sawi a ni.