A nawlpui luh duhna khawpa
sawrkar school-te siam a ngai
– Lalnghinglova Hmar
Aizawl West-II bialtu MLA, LESDE minister Lalnghinglova Hmar chuan Thawhlehni khan a bial chhunga sawrkar school a tlawh tan a. A ni khatnaah hian Kanan, Vaivakawn leh Dawrpui Vengthar-a school pasarih tlawhin, ruahman lawk ang chuan tunkar chhunga school hi tlawh zawh hman a tum.
Bialtu MLA chuan sawrkar school chu mipui nawlpui ban phak leh harsa zawkte chhawk zawngkhaitu a ni, tiin, zirtirtute pawh training palchhuak leh thiam zawk an nih avangin sawrkar school hi mipui nawlpui luh duhna tura siam a ngai tih a sawi.
LESDE minister chuan sawrkar school-a lutte chu a tlangpuiin an nu leh pate kuthnathawk an ni thin a. Zirlai nu leh pa Mizoram Building & Other Construction Workers’ Welfare Board (MBOCWWB) a inziaklut thei chu inziaklut tura finchhuah turin zirtirtute a chah.
“MBOCWWB kaltlangin zirna chawisan kan tum mek a. Welfare Board member fa tamna school tan Welfare Board fund atanga inpuih theih dan a awm em, tih kan ngaihtuah dawn,” a ti. Zirlaite chuan lehkha zir pangngai piahlamah kut themthiamna engemaw tal an puakchhuah theihna turin ruahmanna siam an tum tih a sawi.
A bial chhunga school a tlawhnaah hian zirna hmasawnna atana rawtna awmte sawiho a ni bawk.
A nawlpui luh duhna khawpa sawrkar school-te siam a ngai – Lalnghinglova Hmar
Get real time updates directly on you device, subscribe now.
Prev Post