A tanna atangin damdawi inah Sri Lanka president hlui dah

A tanna atangin damdawi inah
Sri Lanka president hlui dah
Lung ina tang mek, Sri Lanka president hlui, Ranil Wickremesinghe-a chu man a nih tuk, Inrinni khan damdawi inah dah luh a ni.
Kum 76 mi, Wickremesinghe-a hi president a nih laia sorkar sum dik lo taka hmanga puh a ni a, Asian chhim lam thliarkar ram hi a kaihhruai laiin eibarah an hniam hle a, Zirtawpni khan man niin police-in an kal mek a ni.
Inrinni khan Colombo National Hospital-ah a taksaa tuiril a tlem lutuk. zunthlum leh thisen sang avangin emergency care unit-ah kalpui a ni tih damdawi in director, Dr. Rukshan Bellana chuan thuthar lakhawmtute hnenah a sawi.
Wickremesinghe-a hi intensive care unit-ah dah zui a ni a, a dinhmun erawh a tha niin Bellana chuan a sawi bawk.
Vawi ruk lai prime minister pawh lo ni tawh, Wickremesinghe hian nikum khan president a nihna atanga paih thlak a ni a, a hun laia Britain tlawha a nupuiin university-a honorary professorship a dawn lawmnaa a telnaa sum hman dan chhui a ni tih tual chhung chanchinbute chuan an sawi.
Man a nih chungchangah hian a pisa chuan engmah an la sawi lo va. United National Party-a a thawhpuite erawh chuan engmah dik lo tih a neih loh thu leh politics-a inphiarna mai a nih thu an sawi.