A tumkhat nan Canada ramah bird flu vei hmuchhuak

A tumkhat nan Canada ramah bird flu vei hmuchhuak
Bristish Columbia-a tleirawl pakhat chu Canada rama bird flu vei hmasa ber niin thuneitute chuan an sawi a, inrinni khan bird flu a vei thu hi an sawi.
Canada health department hotute chuan he tleirawl hi damdawi inah H5 avian flu vangin enkawlna pek mek a nih thu an sawi a, a hming leh a kum zat an tarlang rih lo thung.
Thuneitute chuan he hri hi sava emaw, rannung dang emaw atanga kaichhawn a nih an rin thu an sawi a, a kaihhnawih leh a kai zel tur laka inven dan tur an ngaihtuah zui mek bakah, hri a kai theihna awm an chhui zui mek thu an sawi.
Brid flu hi ramsa leh sava ah hmuh a ni tlangpui a, heng ho hi a pu darhtu nia ngaih a ni bawk. Mahse, tun hnai atang khan mammals bikah hmuhchhuah nasat niin, US ah bik phei chuan kumin chhung ringawt pawhin an ranvulhteah a leng nasa hle nia sawi a ni.