AAP-in sawrkara tel theih ring

Aam Admi Party chuan Mizoram inthlanpuiah party mala sawrkarna siam zo an awm an ring loa, sawrkara tel theih ngei an inring tih an sawi.
AAP North East incharge Rajesh Sharma chuan Mizorama MLA inthlan awm turah AAP-in candidate an neih dawn thu leh, vawiin – October 19 hian puan an tum thu a sawi. Candidate neih loh tum zet mah se, Mizorama AAP hruaitute hmalak dan leh an hnathawh bakah anmahni tha an tih avangin candidate neih an tum leh a, party dang angin sum leh pai an nei ve lo bawk nen, candidate an puan tlai phah ta niin a sawi.
AAP Mizoram president Andrew Lalremkima chuan tun tum inthlanah hian party mala sawrkarna siam thei an awm an ring loa, AAP chuan MLA pahnih khat neiin sawrkara tel ngei an tum tih a sawi. MLA an nei a nih chuan ‘change’ thlentir turin an bial an vil leh enkawl danah a lang dawn tih a sawi.
Zawhna chhangin, MLA nei tam lo mah se, sawrkara an tel chuan an party aupui ‘change’ chu thlentir theih ngei an tum tih a sawi a. State dang inthlanah pawh change an thlentir thei lo a nih chuan inthlan that tur thlengin hma an la mai tih a sawi a ni.