Abdominal plank tithei upa ber

Abdominal plank tithei upa ber
Maynard Williams chuan kum 80 a hnaih ve tawh, mahse, a taksa a la fit tha hle a, thalai kum 40 mi tam tak ai pawhin a la fit zawk tlat. Guinness World Records a siam a, mipa zinga abdominal plank ti thei upa ber a ni.
Abdominal plank chu exercise lak dan hahthlak tak mai a ni a, kui pahnih leh ke zungtang rinchhanin, ngil takin an bawk a, chutiang chuan theih anga rei awm tum tur a ni. Mi tam zawk hi chuan minute khat pawh kan ti thei kher lo ang. Mahse, Maynard hi chuan kum 78 leh ni 135 a upa a nihin, abdominal plank hi minute 30 chuang a ti thei!
Guinness World Records siam tumin Mynard hian minute thum tal plank hi a tih theih ngei a ngai a, mahse, chu chu a let tam taka kumin, minute 30 chuang abdominal plank hi a ti thei a, record a siam chiang hle.
Mynard hi thui tak tak tlan thin a nih avangin til hahthlak tak tak an tih velah a mikhual bik lo a, mahse, planking ber kher hi chu a tan pawh thil thar deuh a la ni. Nikum khan an veng gym pakhatin competition a buatsaihah tel vein, chuta tang chuan planking chu a tuipui ve ta chauh a ni.
Hmeichhe lama planking ti thei upa ber chu Sarah Blackman, USA a cheng niin, kum 82 leh ni 229 a upa a nihin, minute nga leh second 20 planking a la ti thei!