Thin thaubawh tam tana eitur tha

Harvard chhuak, pum leh thin lama mithiam Dr Saurabh Sethi chuan fatty liver tana eitur tha a tih te Times of India-in heti hian a tarlang-
1. Dates & walnut: Dates (khazur) hi a thlum em avangin a that kan ring lo a ni mai thei, mahse, soluble fiber a pai hnem a, chu chu thin (liver) a thau paih theitu tha tak a ni a, walnut (khawkherh) nena ei dun phei chuan a thawk chak lehzual. Khawkherh-ah hian omega-3 fatty acid a awm a, chu chu enzyme level siamthatu niin, thin-a inflammation tihniam theitu a ni bawk. Nikhatah khazur pum hnih leh khawkherh thum khat vel, kar khatah vawi hnih ei a tawk viau.
2. Dark Chocolate & nuts: Dark chocolate pawh hi thin tana a thatna tur rin harsa kan ti mai thei, mahse, polyphenol a pai hnem. Dark chocolate quality tha (70% cocoa chin tal) hian antioxidant a pai hnem a, chu chu oxidative stress tihniam thei a ni a, thin a thau paih theitu tha tak a ni. Dark chocolate chu almond emaw pistachio emaw nen ei pawlhin a tha lehzual. Heng nuts-ah hian vitamin E leh mawm tha chi a tam a, chu chu thin cell vengtu tha tak a ni. Vitamin E le unsaturated fats pai tam te hi fatty liver tana chaw tha an ni.
3. Khawizu, apple leh thakthing: Apple zailepah kawizu fir far la, thakthing dip an phul bawk la, chu chu thin tana chaw tha tak a ni. Apple-ah hian pectin a awm a, chu chu soluble fibre niin, thau paihtu tha tak a ni. Khawizu fir pawh hi tlem tlema ei chuan liver metabolism tithatu a ni. Chutihrualin vawi khata tam tak tak a ei hi a dam chakna a ni chuang lo tih hriat tel tur a ni.
4. Yogurt: Dhoi kan tih bawk hi, chini a tihthlum loh tur a ni a, probiotic, pum tana chawtha a ni a, thin a thau awm paih theitu tha tak a ni bawk.