Abhishek leh Aishwarya te inkar a tha?

Abhishek leh Aishwarya te inkar a tha?
Aishwarya Rai Bachchan leh a pasal Abhishek Bachchan te inkar a tha lo tih leh an nupa chu inthen mai tur niawm taka sawi a tam hle a, hetiang boruak hian kum khat vel zet a chiah hnuah leh hetiang thulengvak a pun hluai hnua a vawi khat nan Abhishek leh Aishwarya te chu an nupain thlalakah an lang dun ve leh ta a, an inkar a tha tih lantir an tumna niin an ngai.
Ash leh Abhi te hi thlalakah pawh an lang dun ngai lo va, a mipa lam emaw hmeichhe lam emaw chhungkaw thlalakah pawh an lang dun ngai ta lo a, tihpui nikhuaah an kal dun ngai lo tlat mai a, hei hian zeldin thubawl pawh a tih tam phah ve bawk a ni ang.
Tun tumah hian an thlalakah pawh an hlim dun hmel hle a, an thlalak thar hi film producer Anu Ranjan-a’n social media lamah a tarlan sak a, hei hi fans lamin an ngaihven nghal hle a ni.