Italian Serie A club lian AC Milan chuan Atletico Madrid atangin Spain captain Alvaro Morata an la lut.
AC Milan hian kum 31 mi Alvaro Morata lak nan a lakchhuah theihna zat £11m an seng niin tarlan a ni a, kum li daih contract an ziahpui. A contract hi kum khat dang pawhsei theih turin ruahman a ni bawk. Atletico Madrid ah contract a la nei na chungin AC Milan nen sawi zawm an ni a. Euro 2024-ah a champion hnuin AC Milan nen hian an indawr fel chhunzawm ta a ni.
Striker hriat hlawh ve tak Morata hian a rawlthar laiin Atletico Madrid youth team tan a khel thin a, Madrid khaw club lian leh ropui zawk Real Madrid-ah a senior career a tan thung. Real Madrid, Juventus, Chelsea leh Atletico Madrid tan a khel tawh a, Serie A club lian AC Milan tan a inlan zui leh dawn. Striker hriat hlawh pawl tak ni bawk mah se club pakhatah ngheh chatna a neih a harsat a, loan a khelhchhuah chang pawh a nei thin.
Morata hian kum 2014 atang khan Spain senior team tan a khel tan a, inelna hrang hrangah vawi 80 khelin goal 36 a thun tawh. Euro 2024-ah khan Spain captain a ni a, Euro-ah a vawi li nan a champion pui. An champion tum hian inkhel vawi 7 a hmachhawn atangin goal khat a thun. Spain hi Euro leh Nations League-ahte a champion pui tawh.
AC Milan in Morata an la lut
Get real time updates directly on you device, subscribe now.
Prev Post