Adele-i’n Sherry Lansing Leadership Award dawng dawn
The Hollywood Reporter 2023 Women in Entertainment breakfast gala-ah Adele chu Sherry Lansing Leadership Award dawng tura puan a ni a, he event ngaihhlut hlawh takah hian Camila Cabello leh Dua Lipa te pawhin The Hollywood Reporter Women in Entertainment Mentorship Program a tel, zirlai dinhmun harsa zawk te hnenah university scholarship an hlan ve nghal dawn bawk a ni.
Adele-i award dawn hi Oscar dawng tawh, 2010-a Sherry Lansing Leadership Award dawngtu ni bawk Helen Mirren-i’n a hlan dawn a, actor, writer leh producer Will Farrell chu opening speaker a ni ang a, actress Kerry Washington-i’n Equity in Entertainment Award a dawng ang a, a award dawn hi Oscar pawh dawng tawh actress Ariana DeBose-i’n a hlan dawn a ni.
The Hollywood Reporter 2023 Women in Entertainment breakfast gala hi vawiin a neih tur a ni a, sawmbik te tan chauha tel theih niin, The Hollywood Reporter hian an magazine Women in Entertainment issue an tichhuak nghal dawn bawk a, herah hian entertainment lama hmeichhe thil tithei leh talent nei tha zual thlan chhuah Power 100 list an tichhuak dawn a ni.
Sherry Lansing Leadership Award hi entertainment leh media lama thil thar tichhuaktu leh midang te tana thawh hlawk te hnenah hlan thin a ni a, Hollywood studio-a hmeichhe zinga a hotunu ni thei hmasa ber Sherry Lansing hriatreng nana an siam a ni (Lansing hi Paramount Pictures-a CEO thin a ni). He award hi Cherlize Theron, Jennifer Aniston, Reese Witherspoon, Oprah Winfrey, Barbra Streisand leh Viola Davis te pawhin an lo dawng tawh.
Adele-i’n Sherry Lansing Leadership Award dawng dawn
Get real time updates directly on you device, subscribe now.
Prev Post