Krismas hi kawppui/ngaihzawng nei te tan chauha hun hlimawm ni turah kan ngai bik ngawt thei lovang. December thla chawhnu lam atanga ‘Mahriakten ar ang ka vai e Parte’ lo ti bik ngawt tur a ni lo, he hun hi nuam takin i hmang ve thei tho a nia.
1. Mahni inkhawngaih a, inla ‘lonely’ vel taka thu kun reng lovin, he hunpui lo thleng tur hi nuam taka hman tum zawk teh. Nangma tawka tih i chak em em thin te tih nan hmang zeih rawh. Thildanglam, i la tih ngai loh tihna hun atan hmang la, urlawk zan date neih loh pawh hrehawm i ti hauh lovang.
2. Mahni induatna hun atan hmang teh. I ngaihtuahna engmah lak pen tir duh lo la, midang present pek a ngai lo bawk a, nangmah leh nangmah kha duh tawkin han induat vel thung rawh le. I duh leh massage parlour-ah te kal la, bazar-ah te kalin i duh zawng tak lei hlauh zawk teh. I duh leh i movie en chak zawng tak enna hun atan te pawh hmang daih la.
3. I thian, nangmah ang bawka ‘single’ te sawm khawmin duh leh mocktail party te pawh siam la. I party-ah chuan a hmei apain sawm rawh. Urlawk zan i hlim ber tum a ni zawk hial maithei asin.
4. ‘Engnge ka present ang?’, ‘Ka pek tur hi a duhzawng a ni ang em?’ tih vel i ngaihtuah buai a ngai lo ringawt pawh hi thawven thlak ve angreng tak chu a ni.
5. In chhungkuaa hlim taka in inkawm khawm thin te kha ngaihtuah teh, khatiang hun kha i nei ngai vak tawh lo te a nih phei chuan he hunpui hi chhungkaw intih hlimna niah te hmang la, i inchhir miah lovang.
Hunpuiah ‘single’ te tan pawh a hlim theih
Get real time updates directly on you device, subscribe now.
Next Post