Afghanistan atanga terrorist lo chhuak thin tihbo Pakistan in duh

UN Security Council thutkhawmah Pakistan chuan na taka thu sawiin, terrorist te chu Afghanistan atanga zalen taka awm leh inzarpharh an ni a, tihbo an ngaih thu a sawi.
Pakistan ambassador to the UN Munir Akram chuan he thu hi sawichhuakin, hel pawl lian zawng zawng awmna chu Afghanistan a ni a, anni hian khawvel hi tihchhiat vek an duh tiin, pawisak an neih loh bakah khawvel inkungkaihna zawng zawng pawh hi thiah vek an duh a ni a ti bawk. UN security council ramte chu thawhhona tha zawk neihpuiah sawmin, Afghan ram tanpui kawngah kut thawh tawh lo turin a sawm hlawm.
Pakistan chuan an ram atanga terrorism hnawtkiang tura ngaihtuahna thar an neih tawh thu sawiin, hei vang hian an ram thenawm Afghan pawh lo inring turin a hriattir nghal a. Theihtawp chhuaha hel pawl beihpui thlak a, khawvel atanga tawmim tura kutthlak tawn theuh turin a UN member puite chu a sawm nghal a ni.
UN Secretary-General Antonio Guterres chuan lungngaihna vawrtawpa kan luh hma hian kan tanrual a tul. Kabul pawh terrorist lakah lo fimkhur zual rawh se, tiin Pakistan thusawi hi a lo tuihnih ve bawk.