Afghanistan lirnghingah mi 800 chuang thi tawh
Pathianni zan zanlai thlen hma hreta Aghanistan khawchhak lama magnitude 6.0-a na lirnghingin chhiatna a thlena thi chu mi 800 chuang an ni tawh a, mi 3,000 dawnin hliam an tuar bawk tih UN humanitarian agency chuan a sawi.
Thi hi Kunar province-ah an tam ber a, thuneitute chuan khaw eng emaw zat a puma chhia a awm avangin thi zat hi an la pung thei tih an sawi.
A nghin tanna hi tlangram hmun kilkhawr tak, chhanchhuah hna pawh thawh harsatna hmun a ni a. “Chhiatna thlen tan hi hisap mai theih pawh a ni lo,” tiin Taliban sorkar hotu pakhatin a sawi.
Afghanistan-ah hian nasa takin khua a kheng a, puihna lut a tlem a, World Food Programme-in tam an tam hle tih a sawi laiin lirnghing hian a sawi a ni.
A nghin hun hi zan dar 11:47 (India-a Thawhtanni zing dar 01:17) niin an an khawpui lian ber pangana, Nangarhar province-a Jalalabad atanga khawchhak lam km 27 vela hlaa intan a ni.
Nurgal region-a Mazar Dara khuaa cheng pakhat chuan an khuaa in ding 95% a chhia nia sawiin in tinah hliam panga atanga 10 vel an awm vek tih a sawi.
A tuar na ber chu Kunar niin tlangram chhengchhe lai, lo pawh neih hleih theih lohna lai a ni.
Heng lai hmunah hian kawngpuite chu engmah phah loh, tlang veta kal niin inte pawh hlum, lung leh chirh hmanga sak mai mai a ni hlawm.
Tun hnaiah heng lai velah hian tui lian leh lei min an tuar bawk a, hei vang hian hmun tam tak chu tlawhpawh theih loh a ni sa bawk.
Kawngpui a pin avang hian chhanchhuah hna hi thlawhna hmang chauhva kalpui theih a ni a, chhanchhuaktute pawh zanah tlang rama helicopter a tum theih loh avangin zanah an thleng chauh va. Heti chung hian Thawhtanni nileng khan vawi 100 chuang khaw chhe tak karah hliam phurin an vei a ni.
Kunar province-a Taliban hotu chuan, “Khaw eng emaw zat a chhe vek a, tlangramah kawng a ping bawk si a. Tuna kan ngaih pawimawh chu in chim kara thite lak chhuah aiin a rang thei ang bera hliam tuar chhanchhuah a ni,” a ti.
“Thi tam ber hi in chimin a delh an ni a. Kan la chhuak zel dawn a, tun rum rumah erawh kan ti vek thei lo,” a ti.
Mi thenkhat chu in chimin a delh, hliam tuara rei tak tak awm, chhanchhuaktute an thlen hmaa thi an awm nia sawi a ni.
Jalalabad-a damdawi in lian ber chu a khat hneh hle a, a bul maiah Pakistan-in an ram atanga a chhuahtir Afghan sang tel luhna a awm bawk avangin an buai hle.
Doctor pakhat chuan lir a nghin atangin hliam tuar 460 vel an dawn tawh thu Thawhtanni tlai khan sawiin heng zinga 250 chu an admit a, mi dangte chu enkawlna pek hnuah an chhuahtir tih a sawi.
Chhiatna thlenna laiah hian internet a chhe hle bawk a, inbiakpawh zung zung a har hle bawk.
August, 2021 atang khan Afghanistan-ah hian Taliban-in ro an rel tan a, anni hi Russia chauhvin ram dang zingah sorkarah an la pawm.
Islamist pawlin an thunun leh atang hian tanpuitu pawl tam tak chuan Afghanistan-a hna thawh hi an titawp zui bawk.
Ram dangten Afghanistan-a puihna an pek thin an titawp a, Taliban-in ro an rel hmasak hun lai atanga ram dangin an hrekna la kalpui reng a nih bawk avangin an ram hi a rethei hle.
Taliban sorkar chuan lirnghing an tawrh hnuah hian pui turin ram dang sorkarte a ngen tawh thung.
Afghanistan hi fault line tam tak intawhna laia awm a nih avangin lirnghing a tuar zing hle.
Kum 2023 khan Herat province-ah lirnghing vawi tam tak thlengin mi 1,000 people chuang an thi a, a hma kumah Paktika province-ah hetiang zat vel bawk hi an thi.
Tun tuma mi hi lei hnuai km riat chauhva thuka intan a nih avangin a hlauhawm zual a, km 140-a hla, an khawpui, Kabul leh an thenawma Pakistan-ah pawh a sawi.