Agriculture Growth Centre sawiho

Mizoram State Project Monitoring Committee chuan Construction of Agriculture Growth Centre Tuikual South Aizawl chungchang thlirin an vice chairman R Lal Rinawma, IRS (Rtd) kaihhruaiin an thukhawm.
Agriculture Growth Centre sak mek hi NEDP sum vaibelchhe 45.55 senna tur a ni a. Nodal department chu Agriculture & Farmers Welfare department niin, a satu hi M/s Northeast Consultancy Services (NECS) Aizawl a ni. Hna hi 2022 November 22 atanga tan a ni a, 2025 November 7-a zawh tura ruahman niin, tunah zaa 22 thawh zawh tawh a ni.
MSPMC Team hian kumin August 22 khan building sak hna kal mek hi a hmunah an lo endik tawh a. An thil hmuh atanga siamthat ngai, bawhzui ngai leh chak zawka hna a kal theihna’na hmalak dan tur chu nodal department nen MSPMC hian an sawiho a ni.