Aiawh nei loa lecturer sawn duh loin order hal

Govt. Saitual Higher Secondary School-a lecturer pakhat, a aiawh tur dah loa sawrkarin a sawn chu an duh loh zia lantirin Saitual MZP chuan tranfer order chu Thawhlehni khan an hal.
Govt. Saitual HSS-a zirtirtu indaih lohna nasa tak karah Education lecturer an neih pahnih zinga pakhat sawnchhuah sak a ni lehzel chu zirlaite hmakhua ngaih loh na leh inzah lohna lian tak a ni tih MZP Hqrs. Saitual president PC Lalthansanga chuan sawiin, sawrkar chu transfer order cancel sak emaw, a rang thei ang bera a aiawh – regular lecturer ngei dah turin an phut tih a sawi.
Transfer order halnaah hian Govt. Saitual HSS zirlaite leh hmundang atanga zirlai pungkhawm chuan resolution pass in, Govt. Saitual HSS tla chhe zel tur an ngaingam loa, zirtirtu indaih lo em em karah Education lecturer pahnih zinga pakhat, post hnawh khah awm si loa sawn a ni chu an hrethiam lo a, 2023 September 30 hma ngeia order cancel emaw, a aiawh regular lecturer dah turin an ngen.
An ngenna tihhlawhtlin sak an nih loh chuan tiamchin awm loa zirlaiten school kai loh leh zirtirtute pawh office kai lo tura dan an tum tih an sawi.