Mit na hri a zia telh telh

Mizoramah mit na (conjunctivitis) hri a leng mek a,
mahse vanneihthlak takin he hrileng hi a zia telh telh.
August-ah mit na hri hi a leng tawh a, September-ah pawh a la nasa. Mahse thla kal mekah hian a zia hret hret a, chawlhkar tinin he hri hi a zia telh telh tih thu dawn a ni.
Health & Family Welfare department hnuaia Mizoram State Health Society te’n an chhinchhiah danin, September ni 4 atanga ni 9 thleng khan mit na hri vei inentir mi 1569 an awm a, September ni 11 atanga ni 16 thlengin mi 1467 an awm. A tlahniam zel a, September ni 18 atanga ni 23 thlenga inentir zat chu 1051-ah a tla thla.
September thlaah hian chawlkhar tinin inentir an tlem telh telh a, hei vang hian hri a zia telh telh tih chu a lang. Mahse thla hmasa aiin tun thlaah inentir hi an tam.
August thlaah khan mit nat vanga inentir hi mi 2059 an awm a, September-ah hian ni 23 thlengin mi 4087 an inentir tawh.
Doctor-te chuan mit na hi hi la tam tho mah se a inentir an tlem telh telh a, hrileng a zia hret hret tih an sawi a, inentir lova tuar dam engemaw zat an awm ang tih a rinawm thu an sawi bawk.
August leh September ni 23 thlenga damdawi in OPD-a mit entir zinga a zatve vel chu mit na hri vei vanga inentir an nih thu an saw