AICS-in zirchhuakte thlah

Baptist Church of Mizoram-in Aizawla Pathian thu zirna hmunpui a din Academy of Integrated Christian Studies (AICS) chuan April 23 khan an hnuaia zirchhuakte thlahna an hmang.
Valedictory service hi AICS principal Rev Dr C Vanlaldika’n a kaihruai a, BCM associate general secretary Rev R Lalnunzira’n zirlai chhuakte fuihna thuchah a sawi a ni.
Zirlai kalchhuak 47 – Master of Theology zir zo 9, Bachelor of Divinity zir zo 24, Master of Divinity zir zo 6, Diploma in Mission Study (Missionary Training) 4 leh Diploma in Church music 4 chu Dean of Graduate Studies Rev Dr Chuaukailiana kaihhruaiin principal-in diploma certificates pe in a tirchhuak a, zirlai tithate hnenah proficiency award leh lawmman dang hlan a ni bawk.